O mo̱di ma Ńe̱te̱ki, di me̱nde̱ po̱ngo̱ miwe̱n ma tobotobo o bīse̱ bato ná Janea la Loba nde le mpo̱m ma mwano ońola mitakisan ma mbel’a moto. (Mt 24:14) Ne̱ni weno̱ ná o no̱ngo̱ dongo oten e? O mu mo̱di, langea bato jita epas’a Bibe̱l e makwaleye̱ ońola Janea la Loba. Moto a lee̱le̱ te̱ ńo̱ngi, bola mo̱ Njongo a Betatedi No̱. 2 2020. Ombusa nika, pomane̱ pe̱pe̱le̱ nu moto, o boteye jokwa la Bibe̱l o kalati nisadi Be̱ne̱ longe̱ le bonam o bwindea! Be̱se̱ bena ba mano̱nge̱ ebol’a paonia y’epas’a ponda o mo̱di ma Ńe̱te̱ki, be ná ba po̱so̱ o bola 15 la awa to̱ 30.

Son a ponda Janea la Loba di me̱nde̱ ńo̱so̱ manea me̱se̱ ma mate̱nge̱ne̱ mo̱. (Da 2:44; 1Ko 15:24, 25) Di tombwane̱ so̱ o di dikalo la tobotobo o lee̱le̱ ná di masue̱le̱ Yehova na Janea lao!