Mambo ma mudī di mate̱se̱no̱ o bola, ma be̱n nje ye̱se̱ di mabolano̱ na ngud’asu ńe̱se̱ o bwam ba bata bolea Yehova na bwese̱ mo̱ muńe̱nge̱. Mambo ma mudī ma mongwane̱ biso̱ o be̱ kriste̱n you, mangame̱n pe̱ ná di bolane̱ pond’asu na ngud’asu o bola mo̱. (1Ti 4:15) Ońola nje jangame̱nno̱ jombwea mambo ma mudī di te̱se̱no̱ o bola ponda na ponda te̱ e? Ońolana bete̱medi basu be ná be tukwa. Yen ebe di titi pe̱ ná di bola lambo di te̱se̱no̱, to̱so̱ di domse̱ mo̱, e mapula ná di te̱se̱ lambo dipe̱pe̱.

Pond’a bwam ńa jombwea mambo di te̱se̱no̱ o bola ńe nde oboso ba bebotedi ba mbu m’ebolo ma peńa. Je ná di kwalea nika o jowe̱ la ndabo a mbia, di te̱se̱ mambo o bola ońola elong’a mbia te̱ na ońola mbia mwe̱se̱.

Njika mambo me o mato̱ti ma mabupe̱, weno̱ ná o te̱se̱ye̱ wame̱ne̱ e, njika matanga weno̱ ná o po̱ngo̱ o bwam ba domse̱ mo̱ e?