LONGE̱ LA KRISTE̱N
‘Lingea na kusea la myango ma bwam wonja o te̱be̱’
Ponda basingedi ba wasino̱ jeka Bonaisrael ná ba si longa tempe̱l peńa, balongedi ba boli nje ye̱se̱ e ta e pula o kusa wonja o longa. (Esr 5:11-16) Mulemlem pe̱ we̱nge̱, baboledi ba Yehova ba mabola nje ye̱se̱ e mapule̱ o lingea na kusea myango ma bwam wonja o te̱be̱. (Fil 1:7) Ońola nika nde, ba te̱se̱no̱ O̱fis ni mombweye̱ mambenda o Mulopo m’Ebolo o mbu 1936. We̱nge̱, ni o̱fis ni mombweye̱ mambenda ńa Mulopo m’Ebolo e madie̱le̱ lingea la ebol’a Janea o wase ńe̱se̱. Ne̱ni ni o̱fis ńongwane̱no̱ ebol’a Janea e, njika tombwane̱ pe̱ nika e wanedino̱ baboledi ba Loba e?
OMBWA SINIMA PE̱PE̱LE̱ LA O̱FIS NI MOMBWEYE̱ MAMBENDA O MULOPO M’EBOLO, DENGE̱ O MALABE̱ MYUEDI MI MABUPE̱:
-
Njika mitakisan jombwea mambenda Mboṅ a Yehova i kusino̱ e?
-
Njika mbako ya bwam di kusino̱ e? Bola eyembilan
-
Nje mō̱ ńasu te̱ eno̱ ná a bola o lingea na kusea myango ma bwam wonja o te̱be̱ e?
-
O njika wum’a mulomba masu jeno̱ ná di so̱ mibia jombwea bekwali be matape̱ baboledi ba Loba na mina ma Mbo̱ṅ a Yehova yena ye o beboa ońola dube̱ labu e?
