Dingindi 5-11

M’BWAṄ M’EYAL’A LOBA

1. Langwea “ńo̱ṅo̱n i me̱nde̱ po̱” ngiń’a Loba

(10 min.)

David a kusi betatedi ba Yehova o pond’ao ń’eso̱mbe̱ (Mye 71:5; w99 1/9 18 § 17)

David e̱n ná Yehova a sue̱le̱ mo̱ o pond’ao ńa bodun (Mye 71:9; g04 8/10 23 § 3)

David embe̱ beso̱mbe̱ na myango ma nje e po̱yedi mo̱ (Mye 71:17, 18; w14 15/1 23 § 4-5)

BAISE̱ WAME̱NE̱ NÁ, ‘Njika muboled’a Yehova ńa pond’a bwaba neno̱ ná na baise̱ myuedi o pond’a jowe̱ lasu la ndabo a mbia e?’

2. Misanga ma tiki ma mudī

(10 min.)

Mye 72:8—Ne̱ni dikaki Yehova a bolino̱ Abraham le o Bebotedi 15:18 di londino̱ o pond’a janea la kiṅe̱ Salomo e? (it-1 825)

Jalabe̱ lo̱ngo̱
Njika misanga ma tiki ma mudī o so̱ino̱ o bolanga ba Bibe̱l ba nin woki e?

Jalabe̱ lo̱ngo̱

3. Bolanga ba Bibe̱l

(4 min.) Mye 71:1-24 (th dongo 5)

TINGAME̱ O EBOL’A DIKALO

4. Botea l’ekwali

(3 min.) O JO̱MBE̱ NA JO̱MBE̱. Moto a botedi te̱ ka jita, kwese̱ ekwali na byala ba muyao. (lmd belēdi 4 to̱ti 5)

5. Bupe̱ la ńo̱ngi

(4 min.) O DIKALO LA M’BENGU. Alane̱ ekwali o botedino̱ na mot’a mbia oboso ńena nu mabwe̱ bo̱ngo̱ o jokwa Bibe̱l. (lmd belēdi 8 to̱ti 4)

6. Teleye̱ la nje o dube̱no̱

(5 min.) Ekwali. ijwfq 49—Tema: Ońola nje Mboṅ a Yehova i tukono̱ mambo mō̱ i dube̱no̱ e? (th dongo 17)

LONGE̱ LA KRISTE̱N

7. Malea ońola jowe̱ la ndabo a mbia

(15 min.) Jakwalisane̱.

Ebiamu a jowe̱ la ndabo a mbia ye nde pond’a bwam bana ba mokwano̱ bia “bo̱ngo̱ na malea ma Yehova.” (Efe 6:4) Jokwa di mabaise̱ miwe̱n, nde ni ponda ńe ná e be̱ pond’a bwam, sepo̱n kana bana ba mokwano̱ ne̱ni bata to̱ndo̱ mbale̱ ye o Bibe̱l. (Yoh 6:27; 1Pet 2:2) Ombwa edinge̱le̱ “ Malea ońola jowe̱ la ndabo a mbia” yena ye ná yongwane̱ bayedi o bola ná ebiamu a jowe̱ la ndabo a mbia e be̱ pond’a jokwa na ńena ni mabwesane̱ muńe̱nge̱, denge̱ o malabe̱ min myuedi:

Njika malea oteten a man me̱se̱ o mapulano̱ we̱le̱ o ebolo e?

Jalabe̱ lo̱ngo̱
Mo̱ o so̱i lambo dipe̱pe̱ le ná longwane̱ wa e?

Jalabe̱ lo̱ngo̱

MALEA OŃOLA JOWE̱ LA NDABO A MBIA

BIBE̱L:

Bupe̱ bosenga ba bolanga ba Bibe̱l ba woki, to̱ mō̱ te̱ a lange dongo lao diwo̱ na doi la mo̱ń. Elong’a mbia te̱ ye ná e langa byala ba moto mō̱ ńena nu to̱pi o Bibe̱l
Boṅsane̱ myuedi mi se̱medi o bolanga ba Bibe̱l ba woki. Bola ná elong’a mbia te̱ e po̱se myuedi mō̱ e po̱nge pe̱ muwaso ońol’ao. Denge̱ ba makwalea ońola nje ba so̱ino̱ o muwaso mabu
Wana myuedi to̱ bola bete̱medi bō̱, denge̱ o mawasa bete̱sedi ba Bibe̱l be madangwe̱ na mo̱ o Bepasi ba Bibe̱l ońola longe̱ la Kriste̱n
Oka loko la myango mō̱ ma Bibe̱l
Woki te̱ boṅsane̱ dipapa disadi o tilino̱ epas’a Bibe̱l ewo̱, ka be be o belēdi ba mbata A ba kalati nisadi To̱ndo̱ bato—Timbise̱ babo̱ bokwedi, nde lo kombe̱ y’epas’a Bibe̱l o mulopo. Ombwea mapapa ma woki i tombi
Okwa dongo diwo̱ la kalati Be̱ne̱ longe̱ le bonam o bwindea!
Baise̱ belongi ba mbia ná be bole bolangi ba muwaso ba po̱ngino̱ o ekwali ewo̱ ya be be mabupane̱le̱ ba “Malabe̱ ma myuedi ma Bibe̱l” be maso̱be̱ o dongo BELĒDI BA BIBE̱L o jw.org

NDONGAME̱N:

Boṅsane̱ dongo diwo̱ la ndongame̱n
Boṅsane̱ malabe̱ mo̱ngo̱ o we̱ pe̱ ná o kombe̱ mo̱ o mulopo. Ombwea ponda
Okwa lo̱ngo̱ myenge ma Janea
Kwalea lo po̱nge pe̱ patan a ne̱ni jembe̱ moto mō̱ oboso to̱ o su la ndongame̱n ni maye̱
Boṅsane̱ ekwal’a mūtu e bolabe̱ elong’a mbia ewo̱ oboso ba mbia mwe̱se̱

EBOL’A DIKALO:

Boṅsane̱ ońola dikalo la jo̱mbe̱ na jo̱mbe̱
Boṅsane̱ mape̱pe̱le̱ mańu
Dutea ońola bete̱medi bō̱ weno̱ ná o te̱ dikalo la m’bengu, denge̱ o maboṅsane̱ ne̱ni botea ekwali na muyao
Kwalea ne̱ni leno̱ ná lo lańse̱ ebol’ańu ya dikalo o pond’a Jo̱nge̱le̱ la kwed’a Yesu to̱ o pond’a mawumse̱ m’ebolo to̱ m’esukulu

ŃO̱NG’A MBIA:

Po̱ngo̱ patan a ne̱ni bolea o bete̱medi ba tobotobo bena be po̱yedi bińo̱ to̱ bena be ná be po̱ye̱ bińo̱, ka be ba si no̱ngo̱ la dongo, be̱ne̱ mińakisan, yombea diko̱m la muto to̱ la mome, to̱ bolise̱ la mińa minde̱ne̱
Po̱ngo̱ patan ńena bayedi ba mano̱ngo̱no̱ epol’a bana. Bana ba mapo̱ngo̱ muwaso o tema po̱ nde ba dutea ońol’ao na bayedi babu

MALEA MAPE̱PE̱:

Ombwa JW Elimb’a bedinge̱dinge̱^® nde lo kwaleye pe̱ ońol’ao
Langa jokwa diwo̱ to̱ ombwa sinima po̱ o jw.org, denge̱ lo makwalea pe̱ ońol’ao
Ombwea tema po̱ ńe o mongo “Bekoke̱le̱” to̱ “Bana” mena ma maso̱be̱ owas’a BELĒDI BA BIBE̱L o jw.org
Po̱ngo̱ ndimbisedi ńa nje lo tilino̱ o jako̱to̱ne̱ dinde̱ne̱ to̱ disadi
Nina lambo diwo̱ o ma Loba a wekino̱ to̱ po̱ngo̱ muwaso ońol’ao denge̱ lo makwalea ońola nje di lambo di malee̱no̱ biso̱ jombwea Yehova
Ponda iwo̱ bele̱ moto ná ukeye na bińo̱, nde lo baise̱ mo̱ myuedi jombwea mo̱me̱ne̱
Te̱se̱ mambo ma mudī o bola, nde lo kwaleye pe̱ ońola ne̱ni lo me̱nde̱no̱ po̱le̱ mo̱
Bola ebolo mwemba, ońola lambo ka duta la patan, la mundi, to̱ la bońaki ba lambo

Lee̱ SINIMA Benga po̱ngulane̱ jowe̱ lo̱ngo̱ la ndabo a mbia. Denge̱ o mabaise̱ bukedi ná:

Ne̱ni mome nu bai eno̱ ná a bola ná jowe̱ la ndabo a mbia di bwese̱ munj’ao muńe̱nge̱ ke̱ muna to̱ mō̱ a titi pe̱ o mboa e?

Jalabe̱ lo̱ngo̱

8. Jokwa la Bibe̱l la mwemba

(30 min.) bt jok. 13 § 17-24

Bekwesedi (3 min.) | Mwenge 123 na muka

LONGE̱ LA KRISTE̱N N’EBOL’A DIKALO–KALAT'A NDONGAME̱N

Mudango ma ndongame̱n a longe̱ la kriste̱n n’ebol’a dikalo ońola Dingindi 5-11, 2024

Douala

Mudango ma ndongame̱n a longe̱ la kriste̱n n’ebol’a dikalo ońola Dingindi 5-11, 2024

https://cms-imgp.jw-cdn.org/img/p/202024246/univ/art/202024246_univ_sqr_xl.jpg

mwb24 Madibe̱dibe̱ map. 10-16

Mboṅ a Yehova

Dingindi 5-11

MYENGE 70-72

Mwenge 59 na muka | Byingedi (1 min.)

M’BWAṄ M’EYAL’A LOBA