9:62

O bwam ba te̱se̱ makute̱ mao ná sim, muse̱-mōnda a si ta angame̱n jese̱le̱ ná a lo̱ndo̱be̱ na nje e ta mo̱ ombusa. Mulemlem pe̱ nde Kriste̱n e s’angame̱nno̱ jese̱le̱ ná e lo̱ndo̱be̱ na mambo ma wase e dīno̱ ombusa.​—Fil 3:13.

Je te̱ owas’a mitakisan, e bo̱bi o jo̱nge̱le̱ ‘mińa ma mutam’ di tombise̱no̱, pondapo̱ mińa di tombise̱no̱ oboso ná di mapo̱ o mbale̱. Na biso̱ di kumwa so̱ o kolise̱ muńe̱nge̱ di bono̱ kwaṅ, nde di me̱ngise̱ mitakisan di kusino̱. Nika nde Bonaisrael ba bolino̱ ombusa babo̱ busa o Egipto. (Mis 11:5, 6) Di si sumo te̱ i ńai a mo̱nge̱le̱ o milema masu, je ná di pula timba o longe̱ lasu la kwaṅ. Ye so̱ muse̱ṅ jita ná di duteye o minam jeno̱ o kusa tatan, na soke̱ pe̱ miso̱ masu o muńe̱nge̱ mwe o jenge̱le̱ biso̱ owas’a Janea!​—2Ko 4:16-18.