Mulema nde mu matute̱le̱ moto o sengane̱ Loba. (Min 3:1) Di malee̱ so̱ te̱, jangame̱n bola me̱se̱ o tapa milema ma basengedi basu. Ne̱ni bola nika e?

O si lee̱ mbale̱ ye o Bibe̱l buka te̱, nde ongwane̱ mokwe̱ Bibe̱l na wa o so̱ṅtane̱ ne̱ni yi mbale̱ i matapano̱ longe̱ lao na mulatako mao na Yehova. Ongwane̱ mo̱ o so̱ṅtane̱ ne̱ni bete̱sedi ba Bibe̱l be mabonde̱no̱ ndolo, bwam na te̱me̱ la sim la Loba. Baise̱ mo̱ myuedi na muyao o jongwane̱ mo̱ ná a langwe nje a mo̱nge̱le̱no̱ jombwea nje eno̱ o jokwa. Ongwane̱ mo̱ o dutea ońola tombwane̱ a be̱nno̱ ke̱ a po̱ngulane̱ jo̱nge̱le̱ di si te̱nge̱n to̱ ke̱ ese̱le̱ eboled’a bobe. Ponda o me̱ne̱no̱ ná mokwe̱ Bibe̱l na wa a to̱ndi Yehova na mulema mao mwe̱se̱, o mabata bwa muńe̱nge̱.

OMBWA SINIMA BWA MUŃE̱NGE̱ MA TIMBISE̱ BATO BOKWEDI—BATA BE̱ JANGWA—TAPA MULEMA , DENGE̱ O MALABE̱ MYUEDI MI MABUPE̱:

• Ońola nje Nita a baise̱no̱ Rosa ná: “O bati dutea nje di kwalino̱ mo̱ndi” e?

• Ne̱ni Nita ongwane̱no̱ Rosa o je̱ne̱ mulatako mwe oteten a bete̱sedi ba Bibe̱l na ndolo Yehova a be̱nedino̱ mo̱ e?

• Ne̱ni Nita ongwane̱no̱ Rosa o dutea ne̱ni lee̱ Loba ná a to̱ndi mo̱ e?