Yehova ongwane̱ batuedi o Israel ńa kwaṅ. O njika mbadi iwo̱ a mongwane̱no̱ baboledi bao bena be tue we̱nge̱ e?

• A lee̱ babo̱ o be̱ne̱ je̱ne̱ la mambo di te̱nge̱n jombwea mo̱ni.—Lu 12:15; 1Ti 6:6-8

• Ongwane̱ babo̱ o be̱ne̱ye̱ babo̱me̱ne̱ edube.—Hiob 34:19

• A lee̱ babo̱ o be̱ ngińa o ebolo na o banga beboledi ba mbindo.—Min 14:23; 20:1; 2Ko 7:1

• A wan babo̱ oteten a mwemba ma kriste̱n mwena mwe ndolo.—Yoh 13:35; 1Yo 3:17, 18

• A boli babo̱ dipita.—Mye 9:19; Yes 65:21-23

To̱ di timba nde be̱ tue to̱ ne̱ni, di s’angame̱n no̱ngo̱ mutaka. (Yes 30:15) Yehova a me̱nde̱ bola biso̱ nje e mapule̱ ońola longe̱ etum te̱ di mase̱le̱no̱ pulise̱ janea lao.—Mt 6:31-33.

OMBWA SINIMA NDOLO E SI BE̱N SU TO̱ NA . . . TUE—KONGO , DENGE̱ O MALABE̱ MYUEDI MI MABUPE̱:

• Ne̱ni bonasango ba maje̱ be̱be̱ na bepolo ba jako̱to̱ne̱ dinde̱ne̱ ba kasino̱ bonasango ba mawe̱ etum na ndolo e?

• Nje nin sinima e malee̱no̱ biso̱ jombwea ndolo Yehova a be̱nedino̱ batuedi e?

• Ne̱ni jeno̱ ná jembilane̱ Yehova e be̱ ná je m’bwaṅ to̱ tue e?