Moto nu mawe̱le̱ mo̱me̱ne̱ o epol’a bane̱ a maso̱ṅtane̱ mo̱nge̱le̱ mabu, besengedi babu, mambo ba dube̱no̱ na ńo̱ng’abu. Bane̱ ba bi ke̱ di mawe̱le̱ biso̱me̱ne̱ o epol’abu; je pe̱ nde ná di bola nika yete̱na di be̱n ńo̱ngi o jongwane̱ bane̱ na mbale̱. Di mawe̱le̱ te̱ biso̱me̱ne̱ o epol’a bane̱ o dikalo, di membilane̱ nde ndol’a Yehova na nded’ao; na nika e bola ná bato ba siseye be̱be̱ na mo̱.—Fil 2:4.

Di si mawe̱le̱ biso̱me̱ne̱ o epol’a bane̱ buka te̱ o ponda di malee̱no̱; nik’e me̱ne̱ne̱ pe̱ o mbadi di malambe̱no̱ toi, di mato̱po̱no̱, di mabolane̱no̱ pe̱ mā na boso. Di malee̱le̱ ná di mawe̱le̱ biso̱me̱ne̱ o epol’a moto nupe̱pe̱ ke̱ di mombwea mo̱ na mbale̱. Di mombwea mambo a to̱ndino̱, nje a dube̱no̱ na bete̱medi bao. Di mabola mo̱ malea ma bwam di wanea pe̱ mo̱ jongwane̱, nde di si mańakisane̱ mo̱ ná a tukwe. Ponda bato di mate̱ye̱no̱ dikalo ba memeano̱ jongwane̱ lasu, di mabata bwa muńe̱nge̱ o ebol’a dikalo.

OMBWA SINIMA BWA MUŃE̱NGE̱ MA TIMBISE̱ BATO BOKWEDI—BATA BE̱ JANGWA—WE̱LE̱ WAME̱NE̱ O EPOL’A BANE̱ , DENGE̱ O MALABE̱ MYUEDI MI MABUPE̱:

• Ne̱ni Nita a we̱le̱no̱ mo̱me̱ne̱ o epol’a Rosa ponda nun a sukane̱no̱ e?

• Ne̱ni Nita a we̱le̱no̱ mo̱me̱ne̱ o epol’a Rosa ponda nun a kwalino̱ ná epame̱ jita a titi ná okwa e?

• Ne̱ni Nita a we̱le̱no̱ mo̱me̱ne̱ o epol’a Rosa ponda nun a kwalino̱ ná a titi o̱da jita e?