Bibe̱l e be̱n jita la mika mena Yehova alabe̱no̱. Ponda baboledi ba Yehova be̱nno̱ ne̱ni Yehova a sengino̱ mitaka mabu ongwane̱ pe̱ babo̱, ye̱ke̱i te̱ dube̱ labu di bati be̱ ngińa. Ońola nika ye bwam ná di makane̱ te̱ na biso̱me̱ne̱, di langweye Yehova mambo ná te̱ite̱i, ombusa nika di wase pe̱ o je̱ne̱ jalabe̱ lao. O si dimbea ná jalabe̱ lao le ná di be̱ diwengisan na nje di baise̱no̱, to̱ buka mo̱. (2Ko 12:7-9; Efe 3:20) Nje Yehova eno̱ ná a bola ka jalabe̱ la mika masu e?

• Ngińa, musango ma teten na dube̱ o lembe̱ mitakisan mō̱.​—Fil 4:13

• Dibie̱ o no̱ngo̱ bedomsedi ba bwam.​—Yak 1:5

• Ńo̱ngi na ngińa o bola lambo.​—Fil 2:13

• Musango ponda di be̱nno̱ mutaka.​—Fil 4:6, 7

• Jongwane̱ na lo̱ko̱mea bane̱ ba mawaneano̱ biso̱.​—1Yo 3:17, 18

• Jongwane̱ di baise̱no̱ ońola bane̱.​—Bbol 12:5, 11

OMBWA SINIMA YEHOVA NDE E NU “NU MASENGE̱ MUKA,” DENGE̱ O MALABE̱ MYUEDI MI MABUPE̱:

• Ne̱ni myango ma munasango Shimizu meno̱ ná membe̱ biso̱ yete̱na diboa di meka biso̱ ná di bole nje ye̱se̱ di be̱nno̱ ńo̱ngi e?

• Ne̱ni jeno̱ ná jembilane̱ munasango Shimizu e?