E mapula dube̱ ná wasumwe̱ wuma o ko̱lo̱ngo̱nno̱, o wala o wum’a peńa o bwam ba lańse̱ ebol’ango̱ ya dikalo. (Bon 11:8-10) We te̱ o pula wala owe̱ni ńo̱ngi ńeno̱ bonde̱ne̱, kwala na batudu ba mwemba mo̱ngo̱. Njika mambo weno̱ ná o bola ná o bie nga ye nde lambo weno̱ ná o we̱le̱ bola, o po̱se pe̱ wuma o malano̱ e? Langa nje kalat’asu i makwalano̱ jombwea wala bolea wuma ńo̱ngi ńeno̱ bonde̱ne̱. Kwala na ba bena basumwe̱ o wala sue̱le̱ mwemba mupe̱pe̱. (Min 15:22) Kane̱ Yehova ná a bole wa dibie̱. (Yak 1:5) Po̱ngo̱ muwaso jombwea bepolo be̱se̱ weno̱ ná o to̱ndo̱ wala; epolo ye̱ne̱ne̱ te̱ ala ja ońola eyek’a ponda o wuma o po̱sino̱, obiana o mano̱ngo̱ bedomsedi.

OMBWA SINIMA NA DUBE̱, INGEA O JO̱MBE̱ DI TELAM OŃOL’EBOLO​—ALA OWE̱NI ŃO̱NGI ŃENO̱ BONDE̱NE̱, DENGE̱ O MALABE̱ MIN MYUEDI:

• Njika mawengisan Gabriel a tano̱ a be̱ne̱ ná a po̱nge, nje pe̱ yongwane̱ mo̱ e?