Bonasango ba mabola ebolo ende̱ne̱ o boṅsane̱ patan a bekwali; bate̱ dikalo jita be̱n pe̱ ná yi patan i madangwa bwam o mōnda mabu. Nde kana bete̱medi beno̱ diwengisan, bonasango be te̱ o dikalo be ná ba botea ekwali mbadi nipe̱pe̱ to̱ kwalea ońola tema nipe̱pe̱ ni me̱nde̱ tape̱ bato o mōnda mabu ma dikalo. Nde o pond’a dikalo la tobotobo, bato be̱se̱ bangame̱n bupe̱ bediedi be̱se̱ bena be bolabe̱. Janda lasu le nde ná di bupe̱ byanedi ba Yesu ná di langwe myango ma bwam ma Janea.​—Mt 24:14.

Be te̱ o tombise̱ bekwali ba bautu, bate̱ dikalo bangame̱n bolane̱ tem’a patan a ekwali ńe o Kalat’a ndongame̱n a longe̱ la kriste̱n n’ebol’a dikalo. Nde be wonja o bolane̱ myuedi mipe̱pe̱, epas’a Bibe̱l epe̱pe̱, myuedi ma bekutu mipe̱pe̱, to̱ bete̱medi bepe̱pe̱, bena ba me̱nde̱ dangwe̱ bwam o mōnda mabu, o sumo te̱ ke̱ ba kusi nde bediedi be diwengisan. Ben bediedi be mawana mpo̱ngulan o nje e ta e kwalabe̱ o dipapa di londe̱ 8 la kalat’a ndongame̱n ńa Eso̱pe̱so̱pe̱ 2020.