LONGE̱ LA KRISTE̱N
Ndolo nde ńe eyemban a Kriste̱n a mbale̱—Kombe̱ jalatane̱ la tiki
OŃOLA NJE NIKA ŃENO̱ MWEŃA: O bulu bo se̱le̱ na kwed’ao, Yesu a kane̱ ná bokwedi bao “ba be̱ nde mō̱ o ka ni londi.” (Yoh 17 :23.) Ná di tike be̱ mō̱, jangame̱n lee̱le̱ ndolo, ni ‘si mane̱nge̱ eba.’—1Ko 13:5.
NE̱NI BOLA NIKA:
-
Embilane̱ Yehova, o wase so̱ son a lambo la bwam bane̱ ba be̱nno̱
-
Lakise̱ na mulema mwe̱se̱
-
O bo̱le̱ te̱ sangilane̱ bwambo, o si timba pe̱ oten.—Min 17:9
OMBWA SINIMA ‘BE̱NE̱ NDOLO MŌ̱ NA NUNE̱’—O SI NE̱NGE̱ EBA , DENGE̱ O MALABE̱ MIN MYUEDI:
-
O dongo laboso la sinima, ne̱ni Helen a lee̱le̱no̱ ná a ta a ‘ne̱nge̱ eba’ e?
-
O dongo di londe̱ maba la sinima, ne̱ni Helen a bukino̱ mo̱nge̱le̱ mao ma bobe, na mo̱ a timba be̱ne̱ je̱ne̱ la mambo di te̱nge̱n e?
-
O sukan, ne̱ni Helen a sue̱le̱no̱ jalatane̱ la mwemba e?
Nja di mabwese̱no̱ ndutu tobotobo yete̱na di ne̱nge̱ eba e?
