Njika bede̱mo o mawasano̱ omboa diko̱m e? Ye̱ke̱i te̱ bede̱mo ka mbale̱, muyao, na sanga la mulema. Yehova mo̱ a be̱n ben bede̱mo be̱se̱. (Bbu 34:6; Bbol 14:17) A malambe̱ toi ponda o makane̱no̱ mo̱. A mongwane̱ wa o to̱ njika ponda o be̱nno̱ ńo̱ngi. (Mye 18:20, 36) A malakise̱ mawuse̱ mo̱ngo̱. (1Yoh 1:9) E se̱ diko̱m la bwam Yehova eno̱ e!

Ne̱ni weno̱ ná o be̱ diko̱m la Yehova e? Langa Eyal’ao ná wokwe bia mo̱. Langwea mo̱ besoka ba mulema mo̱ngo̱. (Mye 62:9; 142:2) Lee̱ ná o to̱ndi mambo mena me mweńa ońola Yehova, k’eyembilan, Mun’ao, Janea lao, na makaki mao ońola kie̱le̱ ni maye̱. Kwalisane̱ bape̱pe̱ jombwea mo̱. (Ndim 32:3) O boli te̱ me̱se̱ ná o be̱ne̱ mulatako ma bo̱ibo̱i na Yehova, a me̱nde̱ be̱ diko̱m lo̱ngo̱ o bwindea.​—Mye 73:25, 26, 28.

OMBWA SINIMA A BESO̱MBE̱​—“KEKA NDE LE̱NE̱ NE̱NI YEHOVA ENO̱ BWAM,” NDE WALABE̱ MIN MYUEDI:

• Ne̱ni weno̱ ná o boṅsane̱ wame̱ne̱ ońola bake̱ la ńolo na dubise̱ e?

• Ne̱ni bape̱pe̱ o mwemba beno̱ ná bongwane̱ wa o bolea Yehova e?

• Ne̱ni ebol’a dikalo yeno̱ ná e bola ná mulatako mo̱ngo̱ na Yehova mu be̱ ngińa e?

• Njika mambo weno̱ ná o bola o ebol’a Yehova e?

• Njik’ede̱mo a Yehova o to̱ndino̱ e?