Baboledi ba Yehova ba be̱n edube ende̱ne̱. Kana jeno̱ kriste̱n i bake̱ mańolo na i dubisabe̱, di mawe̱ ná di benge bamse̱ mulatako di be̱nno̱ na Sango asu Yehova. Mo̱me̱ne̱ nde a duti biso̱ tongwea na Mun’ao. (Yoh 6:44) A masenga pe̱ mika masu.​—Mye 34:16.

Ne̱ni jeno̱ ná di kombe̱ mulatako masu ma tiki na Loba e? Ka laboso, jangame̱n jeka biso̱me̱ne̱ o bola mambo ma bobe ka nje te̱ bana ba Israel ba bolino̱. Ponda to̱ ininga ombusa babo̱ ńo̱ male na Yehova, ba po̱ngi Mun’a ńaka ńa gol, na babo̱ ba botea o jowe̱ mo̱. (Bbu 32:7, 8; 1Kor 10:7, 11, 14) Jangame̱n baise̱ biso̱me̱ne̱ ná: ‘Ne̱ni na yo̱kino̱ bola ke̱ ne oboso ba mikekisan e? Mo̱ mambo ná mabolano̱ ma malee̱ ná mulatako mam na Yehova mwe mba tiki e? Ndol’a ńo̱ngo̱ńo̱ngo̱ di be̱nedino̱ Sango asu ńe o mo̱ń e me̱nde̱ jongwane̱ biso̱ o ńa mambo a singe̱no̱ mīla.​—Mye 97:10.

OMBWA SINIMA KOMBE̱ MULATAKO MO̱NGO̱ NA YEHOVA (KOL 3:5), NDE WALABE̱ MIN MYUEDI:

• Nje ye eko̱n e?

• Ońola nje di s’angame̱nno̱ be̱ mukubo na baboleye̱ losango e?

• Njika mulatako mwe oteten a musonje na jowe̱ la losango e?

• Ońola nje babaedi bena ba be̱n beto̱ti o bebokedi bangame̱nno̱ be̱ mbaki ná ba mombwea ńo̱ng’a mom’abu to̱ munj’abu e?