6:9-11, 25-27, 54, 66-69

Ponda Yesu a bolane̱no̱ eyembilan yena e ta bokwedi bao ndutu o so̱ṅtane̱, nik’e so̱njise̱ bō̱, na babo̱ bese̱le̱ dangwa na mo̱. Nde o buńa bo se̱le̱, Yesu a ta a dese̱ babo̱ o mbad’a betańsedi, nje e bamse̱ ná ngiń’ao e ta nde e wa na Loba. Ońola nje so̱ ba so̱njino̱ e? Yen ebe, mukubo nde mu ta mu tute̱le̱ babo̱ o bupe̱ Yesu. Nje ba tano̱ ba kusane̱ Yesu nde e ta e tute̱le̱ babo̱ ná ba dangwe na mo̱.

Mō̱ ńasu te̱ a baise̱ na mo̱me̱ne̱ ná: ‘Ońola nje na mabupe̱no̱ Yesu e? Mo̱ ye nde tobotobo ońola minam ma tatan na ma kie̱le̱ ni maye̱ e? Nga ye nde ońolana na to̱ndi Yehova na mapula pe̱ bwese̱ mo̱ muńe̱nge̱ e?’

Ońola nje jeno̱ ná di so̱njo̱ yete̱na di mabolea nde Yehova ka lambo laboso ońola yin njo̱m i bupe̱ e?

• Di to̱ndi be̱ na tumba la Loba

• Di mapula be̱ longe̱ o Paradisi