E se̱ muńe̱nge̱ jeno̱ ná di be̱n kalat’a peńa na kalati nisadi ńa peńa ońola mokwa ma Bibe̱l e! Di makane̱ Yehova ná a namse̱ miwe̱n masu ná di bate timbise̱ bato bokwedi. (Mt 28:18-20; 1Ko 3:6-9) Ne̱ni bolane̱ be belongisan ba peńa e?

Kana kalati Be̱ne̱ longe̱ le bonam o bwindea! e be̱nno̱ mbad’a lee̱ ńa peńa, bupe̱ ben bediedi ponda o maboṅsane̱no̱ mokwa ma Bibe̱l, na ponda o matombise̱no̱ mo̱. *

• Langa mongo o kwaleye pe̱ ońola myuedi

• Langa bepasi ba Bibe̱l ba tilino̱ ná “langa,” wongwane̱ pe̱ mokwe̱ Bibe̱l o so̱ṅtane̱ ne̱ni we̱le̱ mo̱ o ebolo

• Ombwa sinima o bolane̱ pe̱ myuedi mi bolabe̱, o kwalea ońol’ao

• Po̱ngo̱ miwe̱n ná o bo̱le̱ jokwa te̱ ngedi po̱

O dikalo, se̱le̱ nde bola moto kalati nisadi ná o bie nga a mapula jokwa. (Ombwa edinge̱le̱ “ Ne̱ni bola kalati nisadi Be̱ne̱ longe̱ le bonam o bwindea! o ekwal’a boso.”) Yete̱na lo bo̱le̱ kalati nisadi nde e be̱ ná mokwe̱ Bibe̱l a mapula walane̱ jokwa oboso, wa nde o mabolano̱ mo̱ kalati ninde̱ne̱ nde lo botea o jokwa di londe̱ Jokwa 04. O ta te̱ o nokwa na moto o kalati Okwe̱le̱ to̱ o kalati Tingame̱ na ndol’a Loba, timbane̱ mo̱ o kalati Be̱ne̱ longe̱ le bonam o bwindea!, o po̱se pe̱ owe̱ni lo maboteano̱ jokwa oten.

OMBWA SINIMA PO̱ LA BWAM O JOKWA LO̱NGO̱ LA BIBE̱L, DENGE̱ O MALABE̱ MYUEDI MI MABUPE̱:

• Nje bokwe̱ Bibe̱l ba me̱nde̱no̱ jokwa o nin kalat’a peńa e?

• Ońola nje wangame̱nno̱ lee̱ bokwe̱ Bibe̱l ba peńa nin sinima e?

• Njika mambo wangame̱nno̱ jome̱le̱ mokwe̱ Bibe̱l son na son ná a bole e?—Ombwa ebambu “ Tema na mambo o bola o dibe̱le̱ te̱”