Ponda yeno̱ ndutu o kusa ebolo, je ná di si we̱le̱ pe̱ janea la Loba na te̱me̱ lao la sim o epol’a boso o longe̱ lasu. Je ná di sukane̱ o jemea ebolo e mabole̱ ná e be̱ biso̱ ndutu o bolea Yehova, to̱ yena e mate̱nge̱ne̱ bete̱sedi ba Bibe̱l. Nde di be̱ mbaki ná Yehova a membe̱ “ba bena ba boli mo̱ mulema mabu mwe̱se̱.” (2Mya 16:9) To̱ lambo di titi ná jeka Sango asu ńa ndolo ná ongwane̱ biso̱, a bole pe̱ biso̱ nje e mapule̱ biso̱. (Ro 8:32) Ońola nika, di mano̱ngo̱ te̱ bedomsedi jombwea ebolo jangame̱n lakisane̱ Yehova, di bola pe̱ ná ebol’ao e tike be̱ne̱ epol’a boso o longe̱ lasu.—Mye 16:8.

OMBWA SINIMA BOLEA YEHOVA NA MULEMA MWE̱SE̱, DENGE̱ O MALABE̱ MYUEDI MI MABUPE̱:

• Ońola nje Jason a bangino̱ o no̱ngo̱ mate̱ki e?

• Ne̱ni jeno̱ ná di we̱le̱ Kolose 3:23 o ebolo e?

• Ne̱ni eyembilan a bwam ya Jason e tapino̱ Thomas e?

• Ne̱ni jeno̱ ná di we̱le̱ Mateo 6:22 o ebolo e?