O mo̱di ma Tinini, di me̱nde̱ po̱ngo̱ miwe̱n ma tobotobo o langwa myango ma bwam ná was’a peńa ńe be̱be̱. (Mye 37:10, 11; Bbī 21:3-5) Te̱se̱ pond’ango̱ ná o no̱nge dongo o mbadi ni londi o di dikalo la tobotobo. Yete̱na o no̱ngi ebol’a paonia ń’epas’a ponda o mu mo̱di, we ná o po̱so̱ o bola 30 to̱ 50 ma hawa.

Boṅsane̱ ná o langeye bato jita epas’a Bibe̱l jombwea was’a peńa. O nipo̱so̱ te̱ epas’a Bibe̱l, ombwea nje bato o mōnda mo̱ngo̱ beno̱ ná ba to̱ndo̱. Moto a lee̱le̱ te̱ ńo̱ngi o ekwal’a boso, bola mo̱ Njongo a Betatedi ńa ntelele No̱. 2 2021. Pomane̱ pe̱pe̱le̱ mo̱, o keke pe̱ o botea jokwa la Bibe̱l o kalati nisadi Be̱ne̱ longe̱ le bonam o bwindea!. E se̱ muńe̱nge̱ nik’e me̱nde̱no̱ be̱ o no̱ngo̱ dongo o mususu o bīse̱ “myango ma bwam” e!—Yes 52:7.

OMBWA SINIM’A MWENGE MA TOBOTOBO O WAS’A PEŃA, DENGE̱ O MALABE̱ MYUEDI MI MABUPE̱:

• Njika kie̱le̱ ńa mańaka yi son a ngo̱ndedi yeno̱ je̱ne̱ o mo̱nge̱le̱ e?

• Njika mambo mō̱ ma was’a peńa weno̱ musunga o je̱ne̱ e?

• Ne̱ni dutea ońola dipita lo̱ngo̱ leno̱ ná longwane̱ wa o boṅsane̱ o no̱ngo̱ dongo o mbadi ni londi o dikalo la tobotobo la mo̱di ma Tinini e?—Lu 6:45