Yesu okwe̱le̱ ná: “Lo kusi nde tete, lo bola pe̱ nde tete.” (Mat 10:8) Di mabupe̱ be bediedi ninka ná, di si masause̱ bato Bibe̱l to̱so̱ kalat’asu i se̱medi o Bibe̱l. (2Ko 2:17) Nde, yin kalati i bambe̱ tik’a mbale̱ y’Eyal’a Loba. Tongwea na miwe̱n minde̱ne̱ n’eyek’a mo̱ni pe̱ nde kalati i mabusisabe̱no̱ na lomabe̱ pe̱ o myemba ma wase ńe̱se̱. Ońola nika, di no̱nge so̱ nde buka te̱ nje e mapule̱ biso̱.

Be̱ ye̱ne̱ ke̱ o mabola bape̱pe̱ kalati, to̱ e be̱ nde o bepolo ba dikalo la nte̱le̱le̱. (Mat 7:6) O mulopo ma bolabolane̱ mo̱ batombe̱ ngea, we̱ ná o kwala na babo̱ o bia nga be ńo̱ngi to̱ ke̱m. Mo̱ we ná walabe̱ ná, e, o bosadi bwe̱se̱ o myuedi mō̱ ma min me o edinge̱le̱ ye owan e? Yete̱na o titi ná o we̱le̱ bia nga moto e ńo̱ngi to̱ ke̱m, ye bwam o bola mo̱ trakt. O ka mbale̱, a baise̱ te̱ kalati i mabuse̱ mo̱di te̱ to̱so̱ nipe̱pe̱, di me̱nde̱ be̱ muńe̱nge̱ o bola mo̱ mo̱.—Min 3:27, 28.