Ewekedi e malangwa edub’a Yehova. (Mye 19:2-5; 139:14) Nde was’a Diabolo e matute̱le̱ o dube̱ mo̱nge̱le̱ ma si mabole̱ Loba edube jombwea mbondo a longe̱. (Ro 1:18-25) Ne̱ni weno̱ ná weka ná i ńai a mo̱nge̱le̱ i si ya myanga o mudī na o mulema ma mun’ango̱ e? Ongwane̱ babo̱ botea o mimbu mabu misadi o longa dube̱ ná Yehova e na mbale̱, a mombwea pe̱ babo̱ tobotobo. (2Ko 10:4, 5; Efe 6:16) Bola ná o so̱ṅtane̱ jo̱nge̱le̱ labu la njiba jombwea nje ba mokwe̱le̱no̱ babo̱ o esukulu, o bolane̱ pe̱ belongisan be̱se̱ bena be o tapa mulema mabu.—Min 20:5; Yak 1:19.

OMBWA SINIMA NJE MYEMBA MO̱NGO̱ MA YABE̱ MI MAKWALANO̱—DUBE̱ LA LOBA, NDE WOMBWEYE MYUEDI MI BUPE̱:

• Njika belēdi be kwedi jita ba dube̱no̱ jombwea dube̱ la Loba e?

• Nje ba mokwe̱le̱no̱ o esukulu ango̱ e?

• Nje e mabole̱ wa mbaki ná Yehova e na mbale̱ e?

• Ne̱ni weno̱ ná wongwane̱ moto o so̱ṅtane̱ ná Loba nde a weki mambo me̱se̱ e?