Ye we̱nge̱ mimbu mininga weno̱ jenge̱le̱ ná Janea la Loba di ye e? Mo̱ we o lembe̱ na we̱lisane̱ to̱ na mitakisan e? (Ro 8:25) Kriste̱n iwo̱ i malembe̱ bosinga, mitusan, beboa, to̱ mo̱me̱ne̱ kwedi. Ipe̱pe̱ pe̱ i mawe̱lisane̱ mitakisan ka diboa di si mabo̱ to̱ bodun.

Je te̱ lembe̱ to̱ njika pat’a mitakisan, nje e me̱nde̱ jongwane̱ biso̱ o jenge̱le̱ n’ebabad’a ńo̱ngi e? Jangame̱n jouse̱ dube̱ lasu na langa Bibe̱l na dutea oten buńa te̱. Jangame̱n soke̱ miso̱ masu o dipita di be̱nno̱. (2Ko 4:16-18; Bon 12:2) Jangame̱n so̱so̱me̱ye̱ Yehova o muka ná a bole biso̱ ngiń’a mudī mao musangi. (Lu 11:10, 13; Bon 5:7) Loba lasu la ndolo le ná longwane̱ biso̱ o “be̱ titimbe̱ ńe̱se̱ na we̱lisane̱.”​—Kol 1:11.

OMBWA SINIMA JANGAME̱N “ŃA MĪLA NA TITIMBE̱”​—BE̱ MBAKI NÁ O MAKUSA BOWE̱N, DENGE̱ O MALABE̱ MIN MYUEDI:

• Njika “muyo̱mbo̱ ma mambo” mwe ná mu po̱ye̱ moto o longe̱ e? (Mul 9:11)

• Ne̱ni muka mu mongwane̱no̱ biso̱ ke̱ je o lembe̱ mitakisan e?

• Yete̱na di titi pe̱ ná di bolea Yehova ka ponda ni tombi, ońola nje soke̱ mo̱nge̱le̱ masu o nje jeno̱ pe̱te̱ ná di bola e?

• Nje e mongwane̱ wa o be̱ mbaki ná o makusa bowe̱n e?