LONGE̱ LA KRISTE̱N
Bata be̱ jangwa o dikalo—We̱le̱ su o mokwa ma Bibe̱l ma si maye̱ bepuma
OŃOLA NJE NIKA ŃENO̱ MWEŃA: Bato bangame̱n bele̱ dina la Yehova ná ba sungabe̱. (Ro 10:13, 14) Nde seto̱ be̱se̱ bena ba memeye̱ jokwe̱ Bibe̱l nde ba mapule̱ bupe̱ bete̱sedi ba Yehova. Di mabolane̱ pond’asu ńe tiki bwam, ke̱ di mongwane̱ ba ba mapule̱ wane̱ mawengisan o longe̱ labu na mbale̱ o do̱lisane̱ Yehova. Mokwe̱ Bibe̱l a titi te̱ ńaka o mbad’a mudī o pambo a ponda ni dongame̱n, ye dibie̱ o jembe̱ di jokwa ná di bolane̱ pond’asu o jongwane̱ ba bena Yehova a madutano̱ be̱be̱ na mo̱ na bebokedi bao. (Yoh 6:44) Yete̱na ombusa ponda a wan mawengisan mō̱, na mo̱ a lee̱ ná a “te̱se̱be̱ ońola longe̱ la bwindea,” di me̱nde̱ be̱ muńe̱nge̱ o botea pe̱te̱ jokwa lao la Bibe̱l.—Bbol 13:48.
NE̱NI BOLA NIKA:
-
Sesa mokwe̱ Bibe̱l ońolana a mapula be̱ne̱ so̱ṅtane̱ la mbale̱.—1Ti 2:4
-
Kika mweńa ma we̱le̱ nje a mokwano̱ o ebolo.—Lk 6:46-49
-
Na muyao kwalea munia ma Yesu ma musaedi, o langweye pe̱ mo̱ ná ombweye mambo ma meke̱ mo̱ ná a we̱le̱ nje eno̱ jokwa o ebolo.—Mt 13:18-23
-
Langwea mo̱ n’ede̱mo ońola nje weno̱ jembe̱ jokwa lao
-
Bīse̱ mo̱ ná o me̱nde̱ pe̱pe̱le̱ mo̱ ponda na ponda te̱ o jome̱le̱ mo̱, na ná jokwa lao le ná di botea pe̱te̱ yete̱na a wan mawengisan o longe̱ lao
OMBWA SINIMA, DENGE̱ O MALABE̱ MIN MYUEDI:
-
Nje e malee̱ o din jakwalisane̱ ná mokwe̱ Bibe̱l a si ta a ńaka o mbad’a mudī e?
-
Ne̱ni mute̱ dikalo ongwane̱no̱ mokwe̱ Bibe̱l o so̱ṅtane̱ ná angame̱n wana mawengisan o longe̱ lao e?
-
Ne̱ni mute̱ dikalo a bolino̱ ná mokwe̱ Bibe̱l a so̱ṅtane̱ ná jokwa lao le ná pe̱te̱ di botea ombusa ponda e?