Di be̱n sinima ine̱i ońola jokwa la Bibe̱l jeno̱ ná di bolane̱ o dikalo. Ońola njika njo̱m sinima te̱ e po̱ngo̱be̱ e?

• Ońola nje jokwa Bibe̱l e?—Ńa bwaba e po̱ngo̱be̱ nde o bola bato ńo̱ng’a bia nje ye o Bibe̱l, e be̱ to̱ njik’ebasi beno̱. E mome̱le̱ bato ná ba wase malabe̱ ma myuedi ma mweńa ma longe̱ o Bibe̱l, e mabola pe̱ patan po̱ ńa malabe̱ ma te̱nge̱n ma maso̱be̱ o Bibe̱l. E matele̱ye̱ ne̱ni baise̱ jokwa la Bibe̱l.

• Ońola nje jokwa Bibe̱l e? (ni wuto) ńe nde ka ni ńa bwaba nde ńe esungu buka mo̱. Ye ná e be̱ bwam o bolane̱ mo̱ o bepolo bato ba si be̱nno̱ ponda jita.

• Ne̱ni jokwa la Bibe̱l di matombano̱ e? E po̱ngo̱be̱ nde o tute̱le̱ bato o jokwa Bibe̱l na biso̱ esibe̱ sawa to̱ lambo na o jalabe̱ myuedi mō̱ beno̱ ná ba be̱ne̱ jombwea jokwa la Bibe̱l, name̱ne̱ pe̱ ná ne̱ni baise̱ jokwa la Bibe̱l.

• Po̱ la bwam o jokwa lo̱ngo̱ la Bibe̱l e po̱ngo̱be̱ nde ná di lee̱ mo̱ bokwe̱ Bibe̱l. To̱ná ni sinima e maso̱be̱no̱ nde o dipapa di londe̱ maba la kalati Be̱ne̱ longe̱ le bonam o bwindea!, je ná di lee̱ mo̱ ke̱ je o jokwa o kalati nisadi Be̱ne̱ longe̱ le bonam o bwindea! Ni sinima e makwalea ońola myom ma mato̱ti me o ni kalati na nje mokwe̱ Bibe̱l a me̱nde̱no̱ bola o pond’a jokwa.

To̱ ná sinima te̱ e po̱ngo̱be̱no̱ nde ońola njo̱m a tobotobo, je ná di lee̱ to̱ njika mo̱ nde to̱ lomea mo̱ bato to̱ njika ponda nik’e mapulano̱. Bate̱ dikalo bomabe̱le̱ ná ba bie yi sinima bwam, ba bolane̱ pe̱ mo̱ o dikalo o mbad’a bwam.