Dibaba 29–Emiase̱le̱ 5
MYENGE 34-35
Mwenge 10 na muka | Byingedi (1 min.)
1. “Pandise̱ Yehova ponda ye̱se̱”
(10 min.)
David a pandise̱ Yehova to̱ o ponda a tano̱ a be̱ne̱ mitakisan (Mye 34:2; w07 1/3 22 § 11)
David a ta a sese̱ ońola Yehova, seto̱ ońola mo̱me̱ne̱ (Mye 34:3-5; w07 1/3 22 § 13)
Byala ba sesa ba David bembe̱ mako̱m mao (Mye 34:6; w07 1/3 23 § 15)
Ponda David asumwe̱no̱ omboa Abimelek, 400 ba bato bena ba ta ba to̱kisane̱ Saul ba po̱i dongame̱ne̱ mo̱ o eyaṅ. (1Sa 22:1, 2) Yen ebe David a ta nde o̱nge̱le̱ babo̱ ponda a tilino̱ mu mwenge.—Mye 34.
BAISE̱ WAME̱NE̱ NÁ, ‘Ne̱ni neno̱ ná na pandise̱ Yehova ke̱ ne o to̱po̱ na moto o ndongame̱n ni maye̱ e?’
2. Misanga ma tiki ma mudī
(10 min.)
-
Mye 35:19—Nje David a pulino̱ kwala ponda a baise̱no̱ Yehova ná a s’ese̱le̱ basinge̱ mo̱ ‘ba ńubane̱le̱ miso̱ ońol’ao’ e? (w06 15/5 20 § 1)
-
Njika misanga ma tiki ma mudī o so̱ino̱ o bolanga ba Bibe̱l ba nin woki e?
3. Bolanga ba Bibe̱l
(4 min.) Mye 34:2-23 (th dongo 5)
4. Botea l’ekwali
(2 min.) O DIKALO LA M’BENGU. Ekwali e bo̱i obiana o makusa epolo o te̱ dikalo. (lmd jokwa 1 to̱ti 4)
5. Bupe̱ la ńo̱ngi
(4 min.) O DIKALO LA M’BENGU. (lmd jokwa 2 to̱ti 4)
6. Teleye̱ la nje o dube̱no̱
(5 min.) Ekwal’a bato baba. ijwfq 59—Tema: Ne̱ni Mboṅ a Yehova i mabolano̱ o bia nga ngando po̱ e do̱lisane̱ Loba to̱ ke̱m? (th dongo 17)
Mwenge 59
7. Mbadi ilalo ya pandise̱ Yehova o ndongame̱n
(15 min.) Jakwalisane̱.
Ndongame̱n a mwemba i mabola biso̱ epolo o pandise̱ Yehova o mbadi jita. Mbadi ilalo yin.
Makwalisane̱: Kwalea ońola bwam ba Yehova ke̱ o mato̱po̱ na bane̱. (Mye 145:1, 7) Mo̱ o langi to̱ senga to̱ti diwo̱ longwane̱ wa e? Mo̱ o be̱n myango ma dikalo ma bwam e? Mo̱ moto embe̱ wa na byala bao to̱ bedangwedi bao e? Mo̱ we̱n lambo o bewekedi lena lubise̱ wa e? Man me̱se̱ me nde mabea ma Yehova. (Yak 1:17) Po̱ o ndongame̱n minuti to̱ maninga oboso ba ponda ná o be̱ne̱ ponda o kwala na bane̱.
Malabe̱: Keka bola jalabe̱ diwo̱ o bosadi bwe̱se̱ o ndongame̱n te̱. (Mye 26:12) Bola jalabe̱ laboso la myuedi, jalabe̱ jombwea to̱ti dipe̱pe̱ la dongo, epas’a Bibe̱l, duta, to̱ ne̱ni we̱le̱ be belēdi o ebolo. Kana bato jita ba me̱nde̱no̱ le̱ke̱ dia o mulemlem ma ponda, boṅsane̱ malabe̱ jita. Bato jita ba me̱nde̱ we̱le̱ bola “Loba mabea ma sesa” ye̱te̱na malabe̱ masu me 30 ma sekunde o jindea le̱se̱.—Bon 13:15.
Myenge: Lo̱ngo̱ myenge ma Janea na bokenju. (Mye 147:1) Yen ebe o si me̱nde̱ be̱ne̱ epolo o bola jalabe̱ o ndongame̱n ye̱se̱, tobotobo o mwemba munde̱ne̱, nde we ná o lo̱ngo̱ myenge ponda ye̱se̱. To̱ e be̱ nde ná o mo̱nge̱le̱ ná o titi mulo̱ngedi ńa bwam, o lo̱ngi te̱ na mulema mo̱ngo̱ mwe̱se̱, we ná o be̱ mbaki ná nik’e mabwese̱ Yehova muńe̱nge̱! (2 Ko 8:12) We ná o lo̱ngo̱ o mboa ná o boṅsane̱ myenge.
Lee̱ SINIMA Myango masu o bodu—Jabea l’elo̱ngi, Dongo 1. Denge̱ o mabaise̱ bukedi ná:
O mińa maboso bebokedi basu ba we̱nge̱ be bokisabe̱no̱, ne̱ni di lee̱no̱ ná lo̱ngea Yehova myenge m’esese le mweńa e?
