Kalati nisadi Ba nja ba mabole̱ jemea la Yehova we̱nge̱ e? e boṅsane̱be̱ nde ná ńombwabe̱ na bautu ba Bibe̱l o bebotedi to̱so̱ o su la jokwa diwo̱ te̱. * Mokwa 1 nate̱na 4 ma mabola ná bautu bokwe bia ná je nde tumba, mokwa 5 nate̱na 14 ma mongwane̱ babo̱ o bia bebolo basu, mokwa 15 nate̱na 28 pe̱ ma malee̱ babo̱ bebolo ba bebokedi basu. Ye bwam ponda ye̱se̱ o jombwea ma mokwa kaponda ma mabupane̱no̱ o sumo te̱ ke̱ mūtu a be̱n ńo̱ng’a tobotobo ni mabaise̱ ná bombweye mo̱ dibokime̱ne̱. Jokwa te̱ le bwaba ba dipapa diwo̱ buka te̱, le pe̱ ná lokwabe̱ na dongo dinde̱ne̱ la bautu botea minuti matanu nate̱na dom.

• Duta mo̱nge̱le̱ o myuedi mena me mulopo ma jokwa

• Bińo̱ langa jokwa mwemba, e be̱ muso mō̱ to̱so̱ mongo mongo

• Kwalea jombwea nje bińo̱ lo langino̱ dibokime̱ne̱. Bolane̱ myuedi me owas’a dipapa nikame̱ne̱ pe̱ na bedinge̱dinge̱. Langa bepasi ba Bibe̱l bangame̱n, o kwaleye pe̱ ońol’ao. Bonde̱ ne̱ni milopo misadi mi bitisabe̱ mi mabolano̱ jalabe̱ la myuedi me mulopo ma jokwa

• Jokwa di be̱n te̱ edinge̱le̱ “Bata wasa bia,” langa mo̱ mwemba na mūt’ango̱ nde wome̱le̱ pe̱ mo̱ o bupe̱ ma malea