OŃOLA NJE NIKA ŃENO̱ MWEŃA: Bautu ba Bibe̱l ba boṅsane̱ te̱, ba mabata so̱ṅtane̱ na ne̱nge̱ pe̱ nje di mokwe̱le̱no̱ babo̱. Etum te̱ ba mabatano̱ o so̱ṅtane̱ na ne̱nge̱, nika pe̱ nde ba me̱nde̱no̱ pomane̱ o ńaka. To̱ ombusa dubise̱, ba me̱nde̱ te̱ nde be̱ne̱ ńo̱ng’a boṅsane̱ ońola ndongame̱n na dikalo o bwam ba “ja peńa.” (Mt 25:13) Ońola nika, bia la ne̱ni jokwa na be̱ne̱ la mudango ma bwam ma jokwa ba me̱nde̱ jongwane̱ babo̱ o longe̱ labu le̱se̱. Botea o bebotedi, jangame̱n jongwane̱ bautu basu ná ba be̱ne̱ ko̱lo̱ngo̱ne̱ la boṅsane̱ jokwa labu la Bibe̱l.

NE̱NI BOLA NIKA:

• Be̱ eyembilan a bwam. (Ro 2:21) O̱nge̱le̱ mūt’ango̱ ke̱ o maboṅsane̱ jokwa te̱. (km 11/15 3) Lee̱ mo̱ kalat’ango̱ o boṅsane̱no̱

• Tute̱le̱ mo̱ o boṅsane̱. Jokwa di mábokabe̱ te̱, bola ná a so̱ṅtane̱ ná m’boṅsan mwe nde dongo diwo̱ la jokwa la Bibe̱l, o teleye̱ pe̱ mo̱ muse̱ṅ ma nika. Lee̱ mo̱ ná te̱ite̱i ne̱ni eno̱ ná a bola ná a petane̱ ponda o mudango mao ná a boṅsane̱. Balēdi bō̱ ba mabola bautu babu kalat’abu ba boṅsane̱no̱ ná ba bolane̱ mo̱ ke̱ be o jokwa, ná be̱ne̱ muse̱ṅ ma m’boṅsan. Sesa mo̱ ke̱ a boṅsane̱ jokwa lao

• Lee̱ mo̱ ne̱ni boṅsane̱. O bebotedi, balēdi bō̱ ba mabolane̱ jokwa diwo̱ la mususu o lee̱ mūt’abu ne̱ni boṅsane̱ jokwa