• We̱le̱ adre̱s a wame̱ne̱. Nde TO̱ BUŃA o si bolane̱ adre̱s a mukanjo m’ebolo.

• Bolane̱ dina la nu moto yete̱na o bi mo̱. Nika e mabola ná a s’o̱nge̱le̱ ná we nde mot’a ńunga.

• No̱ngo̱ ponda o jombwea mbadi o matilano̱ byala na mbadi o mate̱se̱no̱ mo̱. Leta langame̱n je̱ne̱ne̱ bwam, seto̱ mbindo. Yete̱na o tili nde mo̱ na dia, langame̱n be̱ ńai di malangabe̱no̱ na bo̱bise̱ la ńolo. Byala bo̱ngo̱ be s’angame̱n wama jita to̱ be̱ bodilo jita.

Leta di bolabe̱ biso̱ owan ka patan di mabonde̱ ma mato̱ti. Nik’e si mapula kwala ná wangame̱n nde bupe̱ di leta eyala omo̱ń eyala, ngedi te̱ o matileano̱ moto o mōnda mo̱ngo̱. Po̱ngulane̱ leta lo̱ngo̱ bupisane̱ janda lo̱ngo̱, bete̱medi na bede̱mo ba mundi mo̱ngo̱.