Buka te̱ ba bena be bosangi o bedangwedi nde be ná ba be̱ne̱ mulatako ma bwam na Yehova. (1Pe 1:14-16) Bokwe̱ Bibe̱l ba buki te̱ bede̱mo ba bobe, be pe̱ ná ba tombwane̱ o be̱ne̱ ja la bwam, mulatako ma bwam na mbia, na o po̱ngo̱ ekoted’a mo̱ni.

Teleye̱ mokwe̱ Bibe̱l bete̱sedi ba Yehova jombwea bedangwedi ná bwē, ońola nje a bolino̱ mo̱, na tombwane̱ le ke̱ a bupe̱ mo̱. Bola me̱se̱ o jongwane̱ bokwe̱ Bibe̱l na wa o tukwa mbad’abu ńa dutea; na nika nde ba me̱nde̱no̱ we̱le̱ bola nje Yehova a mapulano̱. (Efe 4:22-24) Bola babo̱ mbaki ná na jongwane̱ la Yehova, be ná ba buka ede̱mo a mbindo e májinde̱ babo̱ o ńolo. (Fili 4:13) Lee̱ babo̱ ná ba so̱so̱me̱ye̱ Yehova ke̱ ńo̱ng’a bola bobe ńaledi babo̱. Ongwane̱ babo̱ o bia jemba na o samba bete̱medi bena be mawe̱le̱ babo̱ o kekise̱. Ongwane̱ babo̱ o bola mambo me babo̱ muse̱ṅ o mulopo ma bola mambo ma bobe. O me̱nde̱ bwa muńe̱nge̱ ke̱ o me̱ne̱ bokwe̱ Bibe̱l ba mapo̱ngo̱ mawengisan na jongwane̱ la Yehova.

OMBWA SINIMA ONGWANE̱ BAUTU BO̱NGO̱ BA JOKWA LA BIBE̱L O BUKA BEDE̱MO BA MBINDO, DENGE̱ O MALABE̱ MYUEDI MI MABUPE̱:

• Ne̱ni batudu na Nita ba lee̱no̱ ná ba lakisane̱ Rosa e?

• Ne̱ni Nita a batino̱ jongwane̱ Rosa e?

• Ne̱ni Rosa a wasino̱ jongwane̱ la Yehova e?