TINGAME̱ O EBOL’A DIKALO | BATA BWA MUŃE̱NGE̱ O EBOL’A DIKALO
Ongwane̱ bautu ba jokwa la Bibe̱l o be̱ne̱ mulatako ma babo̱me̱ne̱ na Yehova
Yehova a mapula ná di boleye nde mo̱ ońolana di to̱ndi mo̱. (Mt 22:37, 38) Ndolo ońola Loba nde e me̱nde̱ bole̱ bokwe̱ Bibe̱l ngińa o po̱ngo̱ mawengisan na o lembe̱ makekisan. (1Yo 5:3) Ndolo ba be̱nedino̱ Loba nde e me̱nde̱ tute̱le̱ babo̱ o dubisabe̱.
Ongwane̱ bokwe̱ Bibe̱l na wa o je̱ne̱ ná Loba a to̱ndi babo̱. Baise̱ babo̱ myuedi ka: “Nje nika e malee̱no̱ wa jombwea Yehova e?” to̱ “Ne̱ni nika e malee̱no̱ ndolo Loba a be̱nedino̱ wa e?” Ongwane̱ babo̱ o bia jemba ne̱ni Yehova a mongwane̱no̱ babo̱. (2Mya 16:9) Langwea babo̱ byembilan ba ne̱ni Yehova alabe̱no̱ mika mo̱ngo̱ mō̱, o langweye pe̱ babo̱ ná ba bie jemba ne̱ni Yehova a malabe̱no̱ mika mabu. Je muńe̱nge̱ jita ke̱ di me̱ne̱ ná bokwe̱ Bibe̱l ba me̱ne̱ ná Yehova a to̱ndi babo̱, nde ba lee̱le̱ ná babo̱ pe̱ ba to̱ndi mo̱ ba mapula pe̱ be̱ mako̱m mao.
OMBWA SINIMA ONGWANE̱ BAUTU BO̱NGO̱ BA JOKWA LA BIBE̱L O BE̱NE̱ MULATAKO MA BABO̱ME̱NE̱ NA YEHOVA, DENGE̱ O MALABE̱ MYUEDI MI MABUPE̱:
-
Njika kekise̱ Rosa a kusino̱ e?
-
Ne̱ni Nita ongwane̱no̱ Rosa e?
-
Ne̱ni Rosa a we̱lino̱ buka di kekise̱ e?