O IDIB’A muko̱su, 24 má Dimo̱di 2018, belongi ba Bete̱l ńa Bekombo be Lati ba Amerika na ńa Kanada be ta muńe̱nge̱ o senga bobia ba tobotobo: Munasango Kenneth Cook, Jr., a batabe̱ o muso̱ngi ma belongi ba Dibe̱le̱ di Madie̱le̱ la Mboṅ a Yehova.

Munasango Cook a yabe̱ nde o mundi ma Pennsylvania o Amerika, we̱ni a kokedino̱ pe̱. Diko̱m lao l’esukulu nde lokwe̱le̱ mo̱ mbale̱ oboso ná a mala o Universite. A dubisabe̱ o 7 má Eso̱pe̱so̱pe̱ 1980. A botedi ebol’a pond’a mususu ka paonia ńa pond’a mususu o 1 bwa Ńe̱te̱ki 1982. Ombusa mbu miba m’ebol’a paonia, a belabe̱ o Bete̱l, a botea ebol’ao ya Bete̱l o Wallkill, Ńu York o 12 má Maye̱se̱ 1984.

O pambo a ponda ńa 25 ma mbu, munasango Cook a kusi ńai na ńai a m’bē̱, a boledi o o̱fis a Druk na o O̱fis ni mombweye̱ bolongi ba Bete̱l. A bai munj’ao, Jamie, o mbu 1996, nu po̱i bole̱ ebolo mwemba na mo̱ o Bete̱l o Wallkill. O Elaṅe̱ 2009, munasango na munańango Cook ba lomabe̱ o Wum’a Belēdi ya Watchtower o Patterson, Ńu York, owe̱ni munasango Cook a bolino̱ ebolo o O̱fis a Maleta. O Dibaba 2016, ba timbi o Wallkill we̱ni ba jaino̱ ponda to̱ ininga denge̱ ba malomabe̱ o Broklyn, Ńu York. Myo̱di mitanu ombusa ponda, nde balono̱ o mulopo m’ebolo o Warwick, Ńu York. O Dimo̱di 2017, munasango Cook a te̱se̱be̱ ka mongwanedi ń’Epep’a Betiledi ya Dibe̱le̱ di Madie̱le̱.