Mo̱ o dia o mo̱nge̱le̱ e?
Mo̱ o no̱ngi ponda o langa Njongo a Betatedi i tombi e? Ombwa te̱ nga we ná walabe̱ myuedi mi bupe̱:
Ne̱ni Betiledi be mabonde̱no̱ ná Loba a mabwa ndutu ke̱ di mataka e?
Niponda Israel ńa kwaṅ e tano̱ o mukoma o Egipto, Loba a ta a bia ndut’abu, a ta pe̱ a bwa ndutu ka babo̱. (Bbu. 3:7; Yes. 63:9) Kana di wekabe̱no̱ o bowan ba Loba, biso̱ pe̱ je ná di bwa ndutu ke̱ moto a mataka. A mabwa ndutu ke̱ di mataka to̱ o ponda ńena di me̱ne̱no̱ biana di si dongame̱n o kusane̱ mo̱ ndolo.—wp18.3, map. 8-9.
Ne̱ni belēdi ba Yesu bongwa- ne̱no̱ bato o buka ndando e?
Jita la Bajū o mińa ma Yesu ba ta ndando. Kristo a kiki mweńa ma be̱ne̱ sibise̱ la ńolo, okwe̱le̱ pe̱ ná kumb’a tumba ńe bobe. Ome̱le̱ bokwedi bao ná be̱ne̱ mō̱ na nune̱ ka bonasango.—w18.06, map. 9-10.
Njika belēdi di mabusane̱no̱ o njo̱m ńena ońol’ao nde Loba a s’ese̱le̱no̱ ná Mose ingeye o Mundi ma Dikaki e?
Mose a ta a be̱ne̱ mulatako ma bo̱ibo̱i na Yehova. (Ndim. 34:10) Ke̱ ba niya po̱ o su la 40 ma mbu ba jaino̱ o eyaṅ, tumba di to̱pi pe̱te̱ mińuńungu ońola pas’a madiba. Loba a kwalane̱ Mose ná a kwalisane̱ dale. Nde, Mose a dipi nde dale. Pondapo̱ Yehova oń nde na malinga ná Mose a si boli kana anedino̱ mo̱ to̱ ná a si boli mo̱ edube ońola be betańsedi. (Mis. 20:6-12) Nika ńangame̱n jokwe̱le̱ biso̱ mweńa ma sengane̱ Yehova na bola pe̱ mo̱ edube.—w18.07, map. 13-14.
Ne̱ni jeno̱ ná di pomane̱ bu- sise̱ mbako a bobe yete̱na di kaise̱ kaponda je̱ne̱ne̱ l’ebo- ko e?
Mambo malalo mena ma yo̱ki tute̱le̱ bato o kaise̱ kaponda je̱ne̱ne̱ l’eboko me nde: muso̱no̱ m’eyobo to̱so̱ ekombo, m’bwaṅ, na mimbu. Ye mweńa ná di we̱ o je̱ne̱ bane̱ kaponda diso̱ la Yehova lena di titi ndando! (Bebolo 10:34, 35)—w18.08, map. 8-12.
O njika mbadi iwo̱ kriste̱n i mákokwe̱ mimbu yeno̱ ná yongwane̱ bape̱pe̱ e?
Kriste̱n ni mákokwe̱ mimbu ńena ni si be̱n pe̱ m’bē̱ e tano̱ e be̱ne̱ kwaṅ e dia te̱ nde Loba tiki, ńe pe̱ ná e bola jita o jongwane̱ bape̱pe̱. Ńe ná ńongwane̱ mom’ao to̱ munj’ao nu si maboleye̱ Loba, ba bena ba temam o mudī, e tombise̱ jokwa la Bibe̱l, e lańse̱ pe̱ ebol’ao ya dikalo.—w18.09, map. 8-11.
Njika belongisan kriste̱n i be̱nno̱ o Mukoba mabu ma belongisan ba belēdi e?
O be̱n dipapa la adre̱s, bebeledi. Trakt lo̱mbi i longedi bwam name̱ne̱ pe̱ na kalati ya mo̱di Njongo a Betatedi na Umwe̱! Mu mukoba ma belongisan mu be̱n pe̱ kalati isadi to̱ ininga, kalat’a jokwa ya mom iba, sinima ine̱i na Ońola nje jokwa Bibe̱l e?—w18.10, dip. 16.
Ne̱ni kriste̱n ńeno̱ ná ‘ńanda mbale̱,’ ka nje te̱ kalat’a Minia 23:23 e mome̱le̱no̱ e?
Di si masawa mo̱ni o janda mbale̱. Nde, jangame̱n janda ponda na po̱ngo̱ pe̱ miwe̱n o kusa mo̱.—w18.11, dip. 4.
Nje bedangwedi ba Hosea o mbasanedi ma munj’ao Gome̱r be mokwe̱le̱no̱ biso̱ e?
Gome̱r a wite̱ musonje ebe n’ebe, nde Hosea a lakise̱ mo̱ alane̱ pe̱ diba labu oboso. Kriste̱n e wite̱ te̱ musonje, mwenj’ao a wusane̱no̱ e ná a lakise̱. Nde bā na mo̱ ba lati pe̱te̱ mome na muto, ke̱ njo̱m a Betiledi ńa bwa diba to̱ po̱ e titi pe̱.—w18.12, dip. 13.