Yen ebe, kapo̱ ka jita lasu, ye wa ndutu o kombe̱ nje wokono̱. Mo̱ o maki ná ye lambo di bo̱bi o jo̱nge̱le̱ minia ma Yesu e? We ná we̱ne̱ mo̱ o mo̱nge̱le̱, na nika ńo̱ngwane̱ wa o jo̱nge̱le̱ nje okwe̱le̱no̱. Mulemlem pe̱, we ná wo̱nge̱le̱ mambo jita wokono̱ ke̱ o kiki mo̱ o mo̱nge̱le̱. Ne̱ni weno̱ ná o bola nika e? Ke̱ o duti nje wokono̱.

Bato ba madute̱ o dipapa mambo ma peńa bokono̱, e yo̱ki be̱ babo̱ lambo di bo̱bi o jo̱nge̱le̱ nje bokono̱. Bola la nika di mongwane̱ babo̱ o so̱ṅtane̱ seto̱ buka te̱ byala, nde na mom ma mato̱ti ma peńa pe̱ beno̱ jokwa. Nje ba madutano̱ e titi ebol’a wedi, ye nde ngusa mambo ma wam. Duta la mambo jeno̱ jokwa o dipapa, di mongwane̱ tobotobo bato ba mákokwe̱ mimbu o jo̱nge̱le̱ nje bokono̱.

Ngedi nipe̱pe̱ o mokwano̱, we ná o duta o dipapa mambo mō̱ wokono̱. We ná o be̱ mańaka o je̱ne̱ mambo me̱se̱ o kombe̱no̱!