Langa Yeremia 38:1-13 ná we̱ne̱ ne̱ni muto̱ped’a mudī Yeremia na soele̱ Ebed-melek ba lee̱le̱no̱ ngiń’a mulema.

Dutea o nje e dinge̱le̱ mi myango. Ne̱ni Yeremia a lee̱le̱no̱ ngiń’a mulema ke e o langwa mwe̱ndi ma Yehova e? (Yer. 27:12-14; 28:15-17; 37:6-10) Nje bato ba bolino̱ ponda ba sengino̱ mu mwe̱ndi?—Yer. 37:15, 16.

Bata po̱ngo̱ muwaso. Nje bato ba tano̱ bengane̱ Yeremia na a bole? (jr 26-27 ¶20-22) Wasa o bia nje bekukudu be tano̱ na ońola nje ba tano̱ ba bolane̱ mo̱. (it-1 471) Njika besengedi Yeremia a tano̱ a be̱ne̱ ponda a tano̱ o ekukudu a dibo e? Yen ebe njika bo̱ngo̱ Ebed-melek a tano̱ angame̱n buka e?—w12 5/1 31 ¶2-3.

Dutea ońola belēdi. Baise̱ wame̱ne̱ ná:

• ‘Nje min myango mi mokwe̱le̱no̱ mba jombwea mbadi Yehova a matatano̱ baboledi bao ba jemea e?’ (Mye. 97:10; Yer. 39:15-18)

• ‘O jika bete̱medi e me̱nde̱no̱ pula ná o lee̱le̱ Ngiń’a mulema e?’

• ‘Ne̱ni neno̱ ná na bata jembise̱ ngiń’am ńa mulema o bola nje ye bwam ke̱ ne o was’a mitakisan e?’ (w11 3/1 30) a