NJONGO A BETATEDI (ŃA JOKWA) Eso̱pe̱so̱pe̱ 2020
Nin njongo a betatedi e be̱n milopo má mokwa má Dingindi 3-30, 2020.
“Dina lo̱ngo̱ di dubabe̱”
Mulopo ma jokwa 23: Dingindi 3-9, 2020. Njika to̱ti la mweńa di mombweye̱ bato na ange̱l e? Ońola nje di to̱ti leno̱ ninka mweńa e, ne̱ni pe̱ di mombweano̱ biso̱ e? Di so̱ṅtane̱ te̱ malabe̱ ma min myuedi, na mipe̱pe̱ mena me mulatako na di to̱ti nik’e me̱nde̱ jongwane̱ biso̱ o jouse̱ mulatako masu na Yehova.
“Te̱se̱ mulema mam o din ná na bwe dina lo̱ngo̱ bo̱ngo̱”
Mulopo ma jokwa 24: Dingindi 10-16, 2020. O din jokwa, di me̱nde̱ nde kwalea tobotobo muka ma Kiṅe̱ David mu tilabe̱ o Myenge 86:11, 12. Nje bwa la dina la Yehova bo̱ngo̱ di mapulano̱ kwala e? Ońola njika njo̱m jangame̱nno̱ bwa di dina lasam bo̱ngo̱ e? Ne̱ni pe̱ bo̱ngo̱ ba Loba bo matatano̱ biso̱ ke̱ je o makekisan ma mapule̱ ná di bole bobe e?
Myuedi ma balangedi
Mo̱ “bepuma ba mudī” be nde buka te̱ bede̱mo Galatia 5:22, 23 e mato̱peano̱ e?
‘Mbame̱ne̱ na mapulise̱ mido̱ngi mam’
Mulopo ma jokwa 25: Dingindi 17-23, 2020. Ońola nje bō̱ bena ba boledi Yehova na jemea mimbu jita ba mapawe̱no̱ na mwemba e? Ne̱ni Yehova a me̱ne̱no̱ babo̱ e? Din jokwa di malabe̱ mi myuedi. Di makwalea pe̱ belēdi jeno̱ ná di busane̱ o mbadi Yehova ongwane̱no̱ bato bō̱ o mińa ma Bibe̱l bena ba ta ba pawe̱ na mo̱ o ponda po̱ ńa longe̱ labu.
“Bińo̱ timba na mba”
Mulopo ma jokwa 26: Dingindi 24-30, 2020. Yehova a mapula ná ba bena ba si mukeye̱ pe̱ o ndongame̱n to̱ te̱ dikalo ba timbe na mo̱. Je ná di bola jita o jongwane̱ ba bena ba mapule̱ jemeye̱ ben bebeledi ba Yehova ná: “Bińo̱ timba na mba.” O din jokwa, di me̱nde̱ kwalea ne̱ni jeno̱ ná jongwane̱ babo̱ o bola nika.
