Ponda di malangano̱ Bibe̱l, je ná di po̱ngo̱ muwaso ná di bate so̱ṅtane̱ nje di malangano̱. Nde di si mabola nika ná di be̱ne̱ so̱ṅtane̱ buka te̱. Di mabola pe̱ nde nika ońolana di mapula so̱ mambo jombwea bede̱mo ba Yehova, mena ma me̱nde̱ bole̱ ná di bate to̱ndo̱ mo̱. Ná di bole nika, je ná di baise̱ biso̱me̱ne̱ ná: ‘Nje yen epas’a Bibe̱l e malee̱no̱ mba jombwea Yehova e?’

Je ná di wasa mambo ma malee̱ ne̱ni Yehova a lee̱le̱no̱ bede̱mo bao bende̱ne̱ ka ndolo, dibie̱, te̱me̱ la sim na ngińa. Nde seto̱ be bede̱mo buka te̱ nde Yehova a be̱nno̱. A be̱n pe̱ bede̱mo ba bwam bepe̱pe̱. Owe̱ni weno̱ ná o po̱ngo̱ muwaso jombwea bede̱mo bao e?

O Index des publications des Témoins de Jéhovah owas’a mulopo “Jéhovah,” denge̱ “Qualités par nom,” o me̱nde̱ so̱ buka 50 ma bede̱mo bepe̱pe̱. Wasa bede̱mo bena be mulatako n’epas’a Bibe̱l weno̱ langa. (Yete̱na o be̱n nde buka te̱ Mudied’a muwaso ońola Mboṅ a Yehova, ala owas’a mulopo “Yehova Loba,” denge̱ “Bede̱mo ba Yehova.”)