Mo̱ o no̱ngi ponda o langa Njongo a Betatedi i tombi e? Ombwa te̱ nga we ná walabe̱ myuedi mi mabupe̱:

“Timbise̱ mo̱nge̱le̱ mańu peńa,” nje nik’e mapulano̱ kwala e? (Rom. 12:2)

Nik’e si mapula kwala ná wangame̱n nde bola bebolo ba bwam buka te̱. Nde wangame̱n pe̱ wase̱le̱ wame̱ne̱ na wana pe̱ to̱ njika mawengisan ma mapule̱ ná o die̱le̱ longe̱ lo̱ngo̱ bupisane̱ bete̱sedi ba Loba.—w23.01, map. 8-9.

Ne̱ni jeno̱ ná di be̱ skwe̱ niponda jeno̱ jombwa mambo me o bolane̱ o wase e?

Di mombwea mambo me o bolane̱ o wase ná di bie ne̱ni meno̱ o londise̱ bedinge̱. O mulopo ma bola jo̱nge̱le̱ la biso̱me̱ne̱, di kwale nde mambo mena ma se̱medi o beteledi be busisabe̱ na bebokedi ba Yehova, ná di si wana diwanje̱. (1 Kor. 1:10)—w23.02, dip. 16.

Njika diwengisan le oteten a dubise̱ la Yesu na dubise̱ la bokwedi bao e?

Kana a tano̱ nde a yabe̱ o tumba di ta di mábake̱ mo̱me̱ne̱ na Loba, e si ta pe̱ e pula ná a bake̱ mo̱me̱ne̱ na Yehova, ka biso̱. A ta ke̱nge̱nge̱, a si boli pe̱ to̱ bobe to̱ bō̱. E si ta so̱ e pula ná ate̱le̱.—w23.03, dip. 5.

Ne̱ni jeno̱ ná jongwane̱ bane̱ o bola malabe̱ o ndongame̱n e?

Je ná di bola ná malabe̱ masu ma be̱ isungu, ná bane̱ pe̱ ba be̱ne̱ ponda o no̱ngo̱ dongo. Di si wasa o kwalea ońola mato̱ti jita. Nik’e me̱nde̱ bola ná bane̱ pe̱ ba be̱ne̱ lambo la kwala.—w23.04, dip. 23.

“Ngea ni mabelabe̱ ná ńabosangi” ńena Yesaya 35:8 e makwaleano̱ ńe nde nje e?

O pond’a kwaṅ, ni ngea ni ta nde o mbad’edinge̱dinge̱, e ta nde betimbedi ba Bonayuda jasumwe̱ o Babilon wala o ekombo abu. Nje pe̱ e mapulano̱ kwala o nin pond’asu e? Bebwea ba mimbu oboso ba 1919, ebol’a m’boṅsan e bolabe̱, k’eyembilan ebol’a betukwedi na ya busise̱ la Bibe̱l. Baboledi ba Loba be o dangwa o “ngea ni mabelabe̱ ná ńabosangi” wala o paradisi ńa mudī, e me̱nde̱ pe̱ tungane̱ babo̱ o minam ma Janea.—w23.05, map. 15-19.

Ońola njika bito baba o mbad’edinge̱dinge̱ Minia bepasi 9 e makwaleano̱ e?

Kalat’a Minia e makwalea ońola ‘mut’elemā’ ńena bebeledi be malane̱no̱ o “njib’a so̱ngo̱” na ‘dibie̱ la mbale̱’ ba langisanno̱ na muto, ńena bebeledi be malane̱no̱ o “nge’a dibie̱” na o longe̱. (Min. 9:1, 6, 13, 18)—w23.06, map. 22-24.

Ne̱ni Loba a lee̱le̱no̱ sibise̱ la ńolo na be̱ lao la muyao o mbasan ma Lot e?

Yehova a ta anea Lot ná a ńe mīla o midongo. Ponda Lot a so̱so̱medino̱ mo̱ ná ese̱le̱ ná ale nde o Soar, Loba emedi.—w23.07, dip. 21.

Nje muto eno̱ ná a bola yete̱na mom’ao a mombwa bedinge̱dinge̱ ba mbamba e?

A s’angame̱n jo̱nge̱le̱ ná mo̱ nde a be̱n njo̱m. Angame̱n bola me̱se̱ o jouse̱ mulatako mao na Loba, a dutea pe̱ ońola myango ma Bibe̱l mi makwaleye̱ ońola bito bena ba ta ba bwa ndutu jita nde ba kusi lo̱ko̱mea la Loba. E ná ongwane̱ mom’ao o samba bete̱medi be ná be bola ná a ko̱ o di lambi.—w23.08, map. 14-17.

Moto a baise̱ te̱ biso̱ myuedi jombwea dube̱ lasu, ne̱ni dibie̱ leno̱ ná longwane̱ biso̱ o be̱ pī e?

Di duteye ne̱ni mi myuedi meno̱ ná mongwane̱ biso̱ o bia nje a dube̱no̱. Nik’e me̱nde̱ bata jongwane̱ biso̱ o jalabe̱ mo̱ na pī.—w23.09, dip. 17.

Nje jeno̱ ná jokwa n’eyembilan a Maria jombwea ne̱ni kusa ngińa e?

Ponda ba bīse̱no̱ mo̱ ná a me̱nde̱ ya muna nu me̱nde̱ timbe̱ Mesia, Maria a wasi jongwane̱. Gabriel na Elisabet bembe̱ Maria tongwea na Betiledi. Biso̱ pe̱ je ná di kusa ngińa tongwea na bonasango asu.—w23.10, dip. 15.

Ne̱ni Yehova eno̱ ná alabe̱ mika masu e?

A kakane̱ o senga mika masu, a mombwea pe̱ nga me mulatako na mwano mao. (Yer. 29:12) E ná alabe̱ mika me bowan o mbadi ye diwengisan, nde a me̱nde̱ sue̱le̱ biso̱ ponda ye̱se̱.—w23.11, map. 21-22.

Roma 5:2 e makwalea ońola “dipita,” ońola nje so̱ ba kwaledino̱ pe̱te̱ ońol’ao o myemba 4 e?

Ponda moto a masengano̱ myango ma bwam, e ná a be̱ne̱ dipita la be̱ longe̱ o wase ni me̱nde̱ timbe̱ paradisi. Nde ponda a makusano̱ mitakisan nde a lembe̱ pe̱ mo̱, nik’e mabola ná Yehova a do̱lisane̱ mo̱, dipita lao pe̱ di mabata be̱ ngińa, a bata pe̱ to̱ndo̱ mo̱.—w23.12, map. 12-13.