Langa Bebotedi 37:23-28; 39:17-23 ná o busane̱ belēdi o nje e po̱yedi Yose̱f jombwea ne̱ni lembe̱ si te̱me̱ la sim.

Wasa mambo ma dinge̱le̱ mi myango. Nje e boli ná bane̱ ba si lee̱le̱ Yose̱f te̱me̱ la sim e? (Bbot. 37:3-11; 39:1, 6-10) Ponda ininga Yose̱f a we̱lisane̱no̱ si te̱me̱ la sim e? (Bbot. 37:2; 41:46) O ni ponda ńe̱se̱, nje Yehova a bolino̱ ońola Yose̱f e, nde nje a si bolino̱ e?—Bbot. 39:2, 21; w23.01 17 § 13.

Wasa beteledi. Bibe̱l e si makwala ná Yose̱f a wasi lingea ńolo ponda munj’a Potifar a bake̱le̱no̱ ná a puli nangane̱ mo̱. Ne̱ni bepasi ba Bibe̱l be mabupe̱ beno̱ ná bongwane̱ biso̱ o je̱ne̱ njo̱m i tute̱le̱ Yose̱f yen ebe o ja ná pī, to̱ ońola nje e titino̱ eto̱m ná di kuse beteledi ba nje ye̱se̱ e tombi e? (Min. 20:2; Yohane 21:25; Bbol. 21:37) Njika bede̱mo yen ebe bongwane̱ Yose̱f o lembe̱ si te̱me̱ la sim e?—Mika 7:7; Lukas 14:11; Yak. 1:2, 3.

Busane̱ belēdi. Baise̱ wame̱ne̱ ná:

• ‘Njika mambo ma si te̱m ná sim neno̱ ná na kusa kana neno̱ mokwed’a Yesu e?’ (Lukas 21:12, 16, 17; Bon. 10:33, 34)

• ‘Nje neno̱ ná na bola tatan o boṅsane̱ o lembe̱ si te̱me̱ la sim e?’ (Mye. 62:8, 9; 105:17-19; w19.07 2-7)