We̱nge̱ buka ponda ni tombi, Yehova e o bola biso̱ so̱ṅtane̱ la Bibe̱l; nika ńe pe̱ nde bonam bonde̱ne̱. (Dan. 12:4) Nde ye ná e be̱ biso̱ ndutu o kombe̱ mpo̱ngulan bebokedi be mawanano̱ o so̱ṅtane̱ lasu la mbale̱ i maso̱be̱ o Bibe̱l. Owe̱ni jeno̱ ná di so̱ mi mpo̱ngulan na beteledi bao e?

• Index des publications des Témoins de Jéhovah owas’a tema “Éclaircissements doctrinaux,” e mabola list a mpo̱ngulan me̱se̱, bupisane̱ mbu mi busisabe̱no̱. Ná we̱ne̱ list bupisane̱ tema, dipa “compréhension affinée,” oteten a mako̱bo̱n (“ ”) o epol’a muwaso o Watchtower Library to̱ o BIBLIOTHÈQUE EN LIGNE Watchtower ^™.

• Mudied’a Muwaso ońola Mboṅ a Yehova ńa fre̱nsi a be̱n list a mpo̱ngulan bupisane̱ tema. Owas’a mulopo “Témoins de Jéhovah” wasa “Croyances, convictions,” denge̱ “Compréhensions affinées.”

O jokwa la wame̱ne̱, we ná o po̱so̱ to̱ti diwo̱ bebokedi be sukanno̱ wana mpo̱ngulan, na wa o wasa so̱ṅtane̱ lena di be̱nno̱ tatan jombwea mo̱ na ne̱ni mu mpo̱ngulan mu se̱medino̱ o Betiledi.