Bayedi ba be̱n ebolo ende̱ne̱ ya lee̱ bana babu o bia Yehova. (Efe. 6:4) Bebokedi ba Yehova be busise̱ ńai na ńai a belongisan o jongwane̱ bayedi. Ne̱ni weno̱ ná o bolane̱ mo̱ o jokwe̱le̱ bana bo̱ngo̱ e?

• Wasa nje e busisabe̱. O jw.org, we ná o so̱ nje ye̱se̱ e busisabe̱ ońola bana, yena e tukwabe̱ pe̱ n’eyem’asu, e be̱ sinima to̱ myenge. a Ná o so̱ mo̱, ala o “Belēdi ba Bibe̱l,” denge̱ “Bana” to̱ “Bekoke̱le̱.”

• Po̱so̱ nje e te̱nge̱n ońola mun’ango̱. O epolo “Bana,” we ná o po̱so̱ sinima, myenge to̱ mokwa o mo̱nge̱le̱no̱ ná ba me̱nde̱ jongwane̱ mun’ango̱.

• No̱ngo̱ ponda o kwalea ońol’ao na mun’ango̱. O si bolane̱ sinima yasu to̱ mane̱ mambo buka te̱ ná mun’ango̱ a tombise̱ ponda. Nde no̱ngo̱ ponda o kwalea ońol’ao na mun’ango̱ na o jongwane̱ mo̱ o timba diko̱m la Yehova.