Njika dipita le ońola bawedi e?
Kwedi e matapa biso̱ be̱se̱. Nde ńe so̱ nde su la me̱se̱ e? Mo̱ bawedi ba dimbabe̱le̱ nde ná bambam e? Mo̱ dipita to̱ diwo̱ di titi ońola bawedi e?
JOMBWEYE NJE BIBE̱L E MAKWALANO̱:
BAWEDI BA SI DIMBABE̱LE̱
“Be̱se̱ be o so̱ngo̱ . . . ba me̱nde̱ busa.”—Yohane 5:28, 29.
Loba a si dimbedi bawedi; ba bena be mo̱ o mo̱nge̱le̱ ba me̱nde̱ pe̱te̱ timba o longe̱.
BEPUMBWEDI BE ME̱NDE̱ BE̱ O WASE
“Bepumbwedi ba bate̱m na sim na basite̱m na sim be me̱nde̱ be̱.”—Bebolo 24:15.
Lokoli la lodun la bato lo me̱nde̱ timbisabe̱ o longe̱, na dipita la be̱ne̱ longe̱ la bwindea na njoaso’a musango.
JE NÁ DI DUBE̱ DIPITA LA BEPUMBWEDI
“[Loba] a mate̱se̱ muso̱ngi ma ngengeti, a mapo̱sea ye̱se̱ mina.”—Myenge 147:4.
Loba e te̱ ná a bele̱ ngengeti te̱ na dina, ke̱ e pe̱ ná o̱nge̱le̱ na bo̱bise̱ la ńolo bato bena a me̱nde̱no̱ pumbwe̱le̱.
