Mo̱ o no̱ngi ponda o langa Njongo a Betatedi i tombi e? Ombwa te̱ nga we ná walabe̱ myuedi mi bupe̱:

Ne̱ni jangame̱nno̱ je̱ne̱ bo̱kisabe̱ e?

Di masesa dube̱ labu; nde di si mubea babo̱. Di si “mombwea myoso ma bato.” (Yuda 16) Di si mabaise̱ pe̱ to̱ babo̱ myuedi jombwea dipita labu.​—w20.01, dip. 29.

Mo̱ nje ye ná e bola wa mbaki ná Yehova a bi wa e?

Bibe̱l e malee̱ ná a bi wa oboso ná o mayabe̱. A masenga pe̱ mika mo̱ngo̱. A bi mo̱nge̱le̱ mo̱ngo̱, na nje ye wa o mulema, beboledi bo̱ngo̱ pe̱ be ná be bwese̱ mo̱ muńe̱nge̱ to̱ ndutu. (1 Myan. 28:9; Min. 27:11) A duti wa ombasanedi mao.​—w20.02, dip. 12.

Njika byembilan di be̱nno̱ be malee̱ njika ponda jangame̱nno̱ to̱po̱ to̱ ja ná pī e?

Di mato̱po̱ jombwea Yehova na muńe̱nge̱. Di mato̱po̱ ke̱ je̱n ná moto e o pula po̱ngo̱ diwuse̱ dinde̱ne̱. Batudu ba mato̱po̱ o bola malea yete̱na nika e mapula. Di si mato̱po̱ o bia (to̱ langwea bape̱pe̱) jombwea ebol’asu o bekombo we̱ni yeno̱ owas’a mwekan. Di si mato̱po̱ jombwea mambo me esoka.​—w20.03, map. 20-21.

Ne̱ni makele ma kwalabe̱ o Yoel bepasi 2 meno̱ diwengisan na ma kwalabe̱ o Bebīsedi bepasi 9 e?

Yoel 2:20-29 e makwala ná Loba a mapo̱tise̱ ma makele na ná a kakane̱ ná a matimbise̱ nje makele ma ńamse̱no̱. Ombusa nika, Loba a makoma mudī mao musangi. Nika e londi ponda bato ba Babilon ba dumbino̱ Israel na ombusa ponda. Bebīsedi 9:1-11 e makwalea nde makele ka bo̱kisabe̱ o nin pond’asu ke̱ ba mate̱ dikalo la beko̱kisedi ba Loba te̱nge̱ne̱ yen ebe̱yed’a mambo ya bobe, nje e ta e lingise̱ basue̱le̱ mo̱.​—w20.04, map. 3-6.

Nja ńe kiṅ’a pongo we̱nge̱ e?

Rusia na balate̱ na mo̱. Ba takise̱ tumba la Loba, ba we̱le̱ ebol’asu ya dikalo owas’a mwekan, nde ba lee̱le̱ pe̱ ná ba singe̱ Mboṅ a Yehova. Kiṅ’a pongo ńanane̱ kiṅ’a mikondo.​—w20.05, dip. 13.

Mo̱ “bepuma ba mudī” be nde buka te̱ bede̱mo Galatia 5:22, 23 e mato̱peano̱ e?

Ke̱m. Mudī ma Loba mu mongwane̱ biso̱ o sa bede̱mo bepe̱pe̱ ba bwam, ka te̱me̱ la sim. (Efe. 5:8, 9)​—w20.06, dip. 17.

Njika lambi le o we̱le̱ mambo o milongwa ma bekwali o internet e?

Nje e mawe̱le̱be̱ o milongwa ma bekwali o internet ye ná e bola jo̱nge̱le̱ ná we nde o lee̱le̱ ńolo, seto̱ ná we sibise̱ la ńolo.​—w20.07, map. 6-7.

Nje kriste̱n yeno̱ ná yokwa na basombwe̱ sue e?

Ba mabola nde ebolo o ponda na o epolo beno̱ ná ba damea sue. Ba bi bolane̱ belongisan bangame̱n. Ba mabola pe̱ ebolo na ngiń’a mulema to̱ bete̱medi be tukwa nde. Biso̱ pe̱ je ná di bola nika o ebol’asu ya dikalo.​—w20.09, dip. 5.

Njika mambo me ná mongwane̱ bokwe̱ Bibe̱l o bata to̱ndo̱ Yehova e?

Je ná jome̱le̱ babo̱ o langa Bibe̱l buńa te̱ na dutea pe̱ nje ba malangano̱. Je pe̱ ná jokwe̱le̱ babo̱ ne̱ni kane̱.​—w20.11, dip. 4.

Nja byala ná: “O Kristo [nde] be̱se̱ ba matimbisabe̱no̱ longe̱” beno̱ kwalea e?​—1 Kor. 15:22.

Ńamuloloma Paulo a si ta a kwala ná bato ba benama be̱se̱ ba me̱nde̱ pumbwabe̱le̱. A ta nde a kwalea ońola bo̱kisabe̱, ba bena “basangisabe̱ o Kristo Yesu.” (1 Kor. 1:2; 15:18)​—w20.12, dip. 5-6.

Nje bo̱kisabe̱ ba me̱nde̱no̱ bola ombusa babo̱ “tukwabe̱ na pe̱m o bepo̱limedi ba miso̱, o museba musukan” e?​—1 Kor. 15:51-53.

Ba me̱nde̱ die̱le̱ mido̱ngi na Kristo na itumbu eyei. (Bbī. 2:26, 27)​—w20.12, map. 12-13.