JOKWA 21
Ne̱ni myango ma bwam myeno̱ o langwabe̱ e?
Son a ponda, Yehova a me̱nde̱ bolane̱ janea lao o bo̱le̱ ndut’asu ye̱se̱. Mi myango mye bwam kańena di titi ná di jane̱ mo̱. Yesu a mapula ná bokwedi bao ba langweye bato be̱se̱ mu mwe̱ndi! (Mateo 28:19, 20) Ne̱ni Mboṅ a Yehova i malondise̱no̱ byanedi ba Yesu e?
1. Ne̱ni byala ba Mateo 24:14 beno̱ londa we̱nge̱ e?
Yesu a bīse̱ ná: “Min myango ma bwam ma janea mi me̱nde̱ langwabe̱ o wase ńe̱se̱.” (Mateo 24:14) Mboṅ a Yehova i mabola y’ebol’a mweńa na muńe̱nge̱. Di malangwa myango ma bwam o wase ńe̱se̱ o buka 1 000 leme̱! Y’ebolo ende̱ne̱ e mabaise̱ miwe̱n jita na te̱se̱ la mambo la bwam. E titi ná e bolane̱ esibe̱ jongwane̱ la Yehova.
2. Njika miwe̱n di mapo̱ngo̱no̱ o te̱ye̱ bato dikalo e?
Di mate̱ dikalo wuma te̱ jeno̱ ná di so̱ bato. Ka kriste̱n ya ebwe’a mbu yaboso, di mate̱ dikalo “o mandabo.” (Bebolo 5:42) Nin mbad’a bola ńa bwam e mongwane̱ biso̱ o tapa lodun la bato mbu te̱. Kana bato ba titino̱ o mamboa mabu ponda ye̱se̱, di mate̱ pe̱ dikalo o bepolo ba ntelele. Di mawasa epolo ponda ye̱se̱ o langwea bato nja ńe Yehova na njika mwano a be̱nno̱.
3. Nja ńangame̱n langwe̱ myango ma bwam e?
Kriste̱n ya mbale̱ ye̱se̱ yangame̱n langwea bane̱ myango ma bwam. Di mano̱ngo̱ y’ebol’asu mweńa jita. Di mate̱ dikalo etum te̱ jeno̱ ná di we̱le̱, ebanja di bi ná langwa la myango ma bwam le ná di sunga bato. (Langa 1 Timoteo 4:16.) Di si makusa musawedi ońola y’ebolo ebanja Bibe̱l e makwala ná: “Lo kusi nde tete, lo bola pe̱ nde tete.” (Mateo 10:7, 8) Seto̱ bato be̱se̱ nde ba makase̱ mwe̱ndi masu. Nde di mabenga te̱ dikalo ebanja le nde dongo diwo̱ la jowe̱ lasu, nik’e mabwese̱ pe̱ Yehova muńe̱nge̱.
ALA O NJIBA
Bata bia miwe̱n Mboṅ a Yehova i mapo̱ngo̱no̱ o te̱ dikalo o wase ńe̱se̱, we̱ne̱ pe̱ ne̱ni Yehova a mongwane̱no̱ biso̱.
Ebol’a dikalo o wase ńe̱se̱: (A) Kosta Rika, (B) Amerika, (C) Benin, (D) Tailand, (E) Yap, (F) Suede
4. Di mabola me̱se̱ o tapa bato be̱se̱
Mboṅ a Yehova i mapo̱ngo̱ miwe̱n ma tobotobo o langwea bato myango ma bwam wuma ye̱se̱. Ombwa SINIMA, nde lo kwaleye pe̱ ońola myuedi mi mabupe̱.
-
Nje e matape̱ wa jita o miwe̱n Mboṅ a Yehova i mapo̱ngo̱no̱ o te̱ dikalo e?
Langa Mateo 22:39 na Roma 10:13-15, nde lo kwaleye pe̱ ońola min myuedi:
-
Ne̱ni ebol’asu ya dikalo e malee̱no̱ ná di to̱ndi bane̱ bato e?
-
Ne̱ni Yehova a me̱ne̱no̱ ba bena ba malangwe̱ myango ma bwam e?—Ombwa mwemba 15.
5. Je nde baboledi mwemba na Loba
Myango jita mi malee̱ ná Yehova a madie̱le̱ ebol’asu. K’eyembilan, o Seland ńa Peńa munasango Paul a dongame̱n muto mō̱ o dikalo la jo̱mbe̱ na jo̱mbe̱ ebiamu ewo̱. Idib’a bo buńa, nu muto a ta a bolane̱ dina la Loba le nde ná Yehova ke̱ e o kane̱, a baise̱ mo̱ ná moto a ye jongwane̱ mo̱ o bia nja ńe Loba. Paul mo̱ ná: “Hawa ilalo ombusa nika nde na po̱ino̱ ombo’ao.”
Langa 1 Korinto 3:9, nde lo kwaleye pe̱ ońola min myuedi:
-
Ne̱ni myango ka min ma Seland ńa Peńa mi malee̱no̱ ná Yehova a madie̱le̱ ebol’a dikalo e?
Langa Bebolo 1:8, nde lo kwaleye pe̱ ońola min myuedi:
-
Ońola nje di be̱nno̱ ńo̱ng’a jongwane̱ la Yehova ná di londise̱ ebol’asu ya dikalo e?
Mo̱ o ta o bia nika e?
Woki te̱, o ndongame̱n asu ńa teten a woki, di makusa belongedi ná di te̱ dikalo bwam. O májukea te̱ o ni ndongame̱n, o mo̱nge̱le̱ nde ná nje ońola be belongedi e?
6. Di mabupe̱ byanedi ba Loba ná di te̱ dikalo
O ebwe’a mbu yaboso, basingedi ba keki o jeka bokwedi ba Yesu ná ba si te̱ dikalo. Kriste̱n yaboso i lingedi wonj’abu ńa te̱ dikalo tongwea na “jembe̱ . . . myango ma bwam.” (Filipi 1:7) Mboṅ a Yehova i mabola nde mulemlem we̱nge̱. a
Langa Bebolo 5:27-42, nde lo kwaleye pe̱ ońola min myuedi:
-
Ońola nje di titino̱ ná jese̱le̱ o te̱ dikalo e?—Ombwa myemba 29, 38 na 39.
MOTO E NÁ A BAISE̱ NÁ: “Ońola nje Mboṅ a Yehova i malano̱ o jo̱mbe̱ na jo̱mbe̱ o te̱ dikalo e?”
-
Ne̱ni o me̱nde̱no̱ jalabe̱ e?
EBONGOLO
Yesu anedi bokwedi bao ná ba langweye matumba me̱se̱ myango ma bwam. Yehova a mongwane̱ baboledi bao o bola y’ebolo.
Ndimbisedi
-
Ne̱ni myango ma bwam myeno̱ o langwabe̱ o wase ńe̱se̱ e?
-
Ne̱ni ebol’asu ya dikalo e malee̱no̱ ná di to̱ndi bane̱ bato e?
-
Mo̱ o mo̱nge̱le̱ ná ebol’a dikalo ye ná e bwese̱ biso̱ muńe̱nge̱ e? Ońola nje pe̱ o makwalano̱ nika e?
BATA WASA
Ombwa ne̱ni Mboṅ a Yehova i mate̱ye̱no̱ bato dikalo o mindi minde̱ne̱.
Nje Mboṅ a Yehova i bolino̱ ná i te̱ye̱ bawase̱ diwutamea dikalo e?
Senga ne̱ni muto mō̱ a mateleye̱no̱ ońola nje eno̱ bonam ná a tombise̱ longe̱ lao ka mute̱ dikalo ńa pond’a mususu.
Langa bedomsedi ba mweńa ba bekaisedi be boli ná myango ma bwam mi benge langwabe̱.
a Loba nde anedi biso̱ ná di te̱ dikalo. Ońola nika Mboṅ a Yehova i si be̱n ńo̱ngi ná manea ma bato ma bole babo̱ wonja o langwa myango ma bwam.
