Diba
Nja ńe mbondo a diba e?
Njika mome to̱ muto kriste̱n ńangame̱nno̱ po̱so̱ ońola diba e?
Ońola nje kriste̱n a mbale̱ e si me̱nde̱no̱ do̱lisane̱ ná mun’ao ńa mome to̱ ńa muto nu dubisabe̱ a latise̱ diba na moto nu si bake̱ mo̱me̱ne̱ na Yehova, a dubisabe̱ o be̱ muboled’ao e?
-
Myango ma Bibe̱l mi mongwane̱:
-
Bbt 24:1-4, 7—Mudun a moto Abraham a ta a domse̱ ná a mawasea mun’ao Isak muto oteten a baboledi ba Yehova, seto̱ ngo̱n a Kanaan ni mowe̱ maloba mape̱pe̱
-
Bbt 28:1-4—Isak a ta a langwea mun’ao Yakob ná a po̱se nde muto oteten a tumba la Bonaisrael, seto̱ ngo̱n a Kanaan
-
Ne̱ni Yehova a masengano̱ ke̱ muboled’ao mō̱ a latise̱ diba na moto nu si maboleye̱ mo̱ e?
-
Myango ma Bibe̱l mi mongwane̱:
-
1Ki 11:1-6, 9-11—Yehova a ta a lingane̱ Kiṅe̱ Salomo jita ońolana a si bupe̱ bediedi bao, na mo̱ a ba be̱n ba bito, ese̱le̱ pe̱ ná ba yue mo̱ mulema
-
Ne 13:23-27—Kapo̱ ka Yehova, Go̱bina Nehemia a ta a linga bwambi ná Bonaisrael ba bai be̱n ba bito ba si maboleye̱ Yehova, a sai babo̱ a ko̱kise̱ pe̱ babo̱
-
Ońola nje yeno̱ dibie̱ o po̱so̱ mome to̱ muto ńe muboled’a Yehova ńa jemea na nu be̱n dina la bwam e?
Ombwa pe̱ Efe 5:28-31, 33
-
Myango ma Bibe̱l mi mongwane̱:
-
1Sa 25:2, 3, 14-17—Nabal a ta nde m’bwaṅ ma moto, nde a ta njo, nika e boli ná a si ta mom’a bwam ońola Abigail
-
Min 21:9—Di po̱si te̱ mom’a bobe to̱ mut’a bobe di si me̱nde̱ be̱ bonam to̱ be̱ne̱ musango
-
Ro 7:2—Ńamuloloma Paulo a kwali ná muto nu babe̱ e nde owas’a byanedi ba mom’ao ńe nde moto nu titi ke̱nge̱nge̱, ońola nika muto ńe dibie̱ a mano̱ngo̱ ponda o jombwea nja a memeano̱ ka mome
-
M’boṅsan ma diba
Ońola nje mome angame̱nno̱ be̱ ka ni dongame̱n o jombwea ndabo a mbia denge̱ a madutea o ba e?
-
Myango ma Bibe̱l mi mongwane̱:
-
Min 24:27—Obiana mome a maba na yen ebe pe̱ ya bana, angame̱n we̱ na ngińa ná a be̱ ka ni dongame̱n o sue̱le̱ mbia
-
Ońola nje bato baba be o yengane̱le̱ bangame̱nno̱ baise̱ malea na wasa pe̱ o bia pat’a moto beno̱ o pula ba o mulopo ma soke̱ miso̱ o je̱ne̱ne̱ la ńolo e?
-
Myango ma Bibe̱l mi mongwane̱:
-
Ru 2:4-7, 10-12—Ná Boas a bie pat’a muto Rut a tano̱, a no̱ngi ponda o jombwea ngiń’ao ń’ebolo, ne̱ni a tano̱ ombwea Naemi, mboṅ a bwam bane̱ ba tano̱ ba bola ońol’ao, na mulatako mao na Yehova
-
Ru 2:8, 9, 20—Ná Rut a bie pat’a mome Boas a tano̱, ombwedi muyao mao, sanga lao la mulema na ndolo a tano̱ a be̱ne̱ ońola Yehova
-
Ońola nje Yehova a mapulano̱ ná mome na muto ba be̱ ko̱nji o ponda beno̱ o yengane̱le̱ na o pond’abu ń’ewande̱ e?
-
Myango ma Bibe̱l mi mongwane̱:
-
Min 5:18, 19—Beboledi bō̱ ba leane̱le̱ ndolo be nde buka te̱ ońola mome na muto be o diba
-
Mwe 1:2; 2:6—O pond’a yengane̱le̱ labu, mutate̱ byembe na ngo̱n a Sulam ba leane̱le̱ eto̱nde̱ o mbadi ńe ko̱nji, seto̱ ni matute̱le̱ o musonje
-
Mwe 4:12; 8:8-10—Ngo̱n a Sulam e ta e be̱ne̱ jalea la ńolo; e ta nde ka mōnda mu dingabe̱le̱ ko̱to̱
-
Ońola nje mome na muto bangame̱nno̱ latise̱ bupisane̱ mambenda m’ekombo e?
Epol’a mome
Nje Yehova a mengane̱no̱ bome ba bai e?
Eyembilan a nja mome nu bai angame̱nno̱ bupe̱ e?
Ońola nje yeno̱ mweńa ná mome nu bai a to̱nde munj’ao, a so̱ṅtane̱ pe̱ ńo̱ng’ao na besengedi bao ba teten e?
-
Myango ma Bibe̱l mi mongwane̱:
-
Bbt 21:8-12—Yehova a kwalane̱ Abraham ná a sengane̱ munj’ao Sara, to̱ná jo̱nge̱le̱ lao di si tano̱ di do̱lisane̱ mo̱
-
Min 31:10, 11, 16, 28—Mome ńe dibie̱ nu bai mut’a bede̱mo ba bwam, ka nje te̱ min myemba mi makwalano̱, a si mabanda mo̱, to̱ wase̱le̱ mawuse̱ mao. O diwengisan, a malakisane̱ mo̱ na sesa pe̱ mo̱
-
Efe 5:33—Ńamuloloma Paulo a kwali ná muto a be̱n ńo̱ng’a bia ná mom’ao a to̱ndi mo̱
-
Epol’a muto
Njik’epol’a mweńa Yehova a bolino̱ muto e?
Mo̱ epolo muto a be̱nno̱ e maye̱use̱ mo̱ e?
-
Myango ma Bibe̱l mi mongwane̱:
-
Min 1:8; 1Ko 7:4—O diba na o ndabo a mbia, Loba a boli muto na ńango a bana doi la byanedi diwo̱ te̱nge̱
-
1Ko 11:3—Ńamuloloma Paulo a kwali ná Yehova a te̱se̱ ná mō̱ ńasu te̱ a be̱ owas’a byanedi ba moto, o sumo te̱ mo̱ Loba la Ngum mo̱me̱ne̱ mō̱
-
Bon 13:7, 17—O mwemba, bome na bito bangame̱n o sengane̱ na sibise̱ babo̱me̱ne̱ owas’a ba bena ba po̱so̱be̱ o die̱le̱
-
Ne̱ni muto nu babe̱ na mome nu si dube̱ eno̱ ná a bwese̱ Yehova muńe̱nge̱ e?
Ońola nje muto ńe kriste̱n angame̱nno̱ bola mom’ao edube e?
-
Myango ma Bibe̱l mi mongwane̱:
-
Bbt 18:12; 1Pe 3:5, 6—Sara a ta a bola mom’ao edube ende̱ne̱, a ta nde e̱ne̱ mo̱ ka “sango,” to̱ moto ńe mo̱ mulopo o mbad’a mudī, nate̱na mo̱me̱ne̱ o mo̱nge̱le̱ mao
-
Bupisane̱ Bibe̱l, njika pat’a muto nu makuse̱ esese e?
-
Myango ma Bibe̱l mi mongwane̱:
-
Bbt 24:62-67—Rebeka ongwane̱ mom’ao, Isak, o kusa lo̱ko̱mea ombusa kwed’a ńango
-
1Sa 25:14-24, 32-38—Abigail a so̱so̱me̱ye̱ David na sibise̱ la ńolo, ná a we̱le̱ tata mom’ao ń’elemā, a sunge pe̱ ndabo ao ńa mbia
-
Es 4:6-17; 5:1-8; 7:1-6; 8:3-6—Kiṅ’a muto Este̱r a le̱ke̱ye̱ kwedi bwanga ngedi iba, ala je̱ne̱ mom’ao o ponda ńena a si belabe̱no̱, o so̱so̱me̱ye̱ ońola tumba lao
-
Sangilane̱ la myambo
Njika bete̱sedi be ná bongwane̱ babaedi o sangilane̱ myambo o ndabo a diba e?
Njika bete̱sedi be ná bongwane̱ babaedi o no̱ngo̱ bedomsedi ba bwam jombwea mo̱ni e?
Lu 12:15; Fil 4:5; 1Ti 6:9, 10; Bon 13:5
Ombwa pe̱ “Mo̱ni”
Njika bete̱sedi be ná bongwane̱ babaedi o sangilane̱ myambo mi mombweye̱ bonańango abu b’eyobo, basango babu ba diba na bańango babu ba diba e?
Njika bete̱sedi be ná bongwane̱ babaedi jombwea lata la mome na muto e?
Ońola nje yeno̱ mweńa o soke̱ miso̱ o bede̱mo ba bwam ba mom’ao to̱ ba munj’ao, seto̱ o mabo̱bi mao e?
Ońola nje yeno̱ bwam o sangilane̱ myambo dibokime̱ne̱, na ndolo pe̱, o mulopo ma jese̱le̱ ná malinga na pimbimbi ba no̱nge epolo e?
Ońola nje malinga, misea, byala ba bobe, na to̱ njika pat’a njo ba s’angame̱nno̱ ońola kriste̱n e?
Siso̱ṅtane̱le̱ di po̱i te̱ oteten a mome na munj’ao, nje babo̱ babane̱ bangame̱nno̱ bola e?
Njika minam diba di se̱medi o bete̱sedi ba Yehova di be̱nno̱ e?
Bete̱sedi ba diba
Nje Bibe̱l e makwalano̱ jombwea lata la mome na muto na diba e?
Mo̱ kriste̱n ńe wonja o ba bito baba e?
Ne̱ni di bino̱ ná diba le nde oteten a mome na muto e?
Ońola nje babaedi bangame̱nno̱ ja mwemba po̱ko̱po̱ko̱ e?
Njika njo̱m po̱ buka te̱ ni mabole̱ kriste̱n wonja o bwa diba e?
Ne̱ni Yehova a me̱ne̱no̱ kwed’a diba ni si se̱medi o Betiledi e?
Mome to̱ muto a wedi te̱, mo̱ nune̱ e wonja o ba to̱ babe̱ pe̱te̱ e?
We pe̠ ná o to̠ndo̠...
UMWE̠!
Mandabo ma mbia me bonam—Mulatako
Mo̱ mom’ango̱ to̱ munj’ango̱ ā nde wa ka munange̱ o tuṅ po̱ na wa e?
