Mpulisan ma mowe̱
Mo̱ bebasi be̱se̱ be mowe̱ nde Loba diwo̱ e?
Mo̱ Yehova a do̱lisane̱ bebasi be̱se̱ to̱ná be malee̱no̱ mambo me diwengisan e?
Mt 7:13, 14; Yoh 17:3; Efe 4:4-6
-
Myango ma Bibe̱l mi mongwane̱:
-
Yos 24:15—Yosua a kwali ná jangame̱n po̱so̱ oteten a bolea Yehova to̱ maloba mape̱pe̱
-
1Ki 18:19-40—Tongwea na muto̱ped’a mudī Elia, Yehova a lee̱ ná baboledi bao ba s’angame̱n jowe̱ loba dipe̱pe̱ to̱ diwo̱
-
Ne̱ni Yehova a masengano̱ jombwea maloba ma kwedi na nje bato ba mabolano̱ o jowe̱ mo̱ e?
Ne̱ni Yehova a masengano̱ ke̱ bato ba makwala ná ba mowe̱ mo̱ nde ba bola mambo a si do̱lisanno̱ e?
Yes 1:13-15; 1Ko 10:20-22; 2Ko 6:14, 15, 17
-
Myango ma Bibe̱l mi mongwane̱:
-
Bbu 32:1-10—Yehova oń na malinga mande̱ne̱ ponda Bonaisrael ba ńakisane̱no̱ Aron o po̱ngo̱ njimbid’a mun’a ńaka o jowe̱ mo̱, to̱ná ba tano̱ ba kwala ná be nde bolise̱ buńa bonde̱ne̱ ba Yehova
-
1Ki 12:26-30—Ná tumba di s’ala o tempe̱l o Yerusalem, Kiṅe̱ Yerobeam a po̱ngise̱ njimbidi, a kwala ná ńe nde edinge̱ding’a Yehova; na tumba di ko̱ o bobe
-
Ne̱ni Yehova a lee̱no̱ Bonaisrael ná ba s’angame̱n lata na matumba mena ma mowe̱ maloba mape̱pe̱ e?
Nje Yehova a bolino̱ ponda tumba lao di botedino̱ bolea maloba mape̱pe̱ e?
Bak 10:6, 7; Mye 106:35-40; Yer 44:2, 3
-
Myango ma Bibe̱l mi mongwane̱:
-
1Ki 11:1-9—Be̱n ba bito ba Kiṅe̱ Salomo ba tute̱le̱ mo̱ o bolea be̱n ba maloba; ome̱le̱ pe̱ bape̱pe̱ o bola mulemlem, na nik’e lingise̱ Yehova
-
Mye 78:40, 41, 55-62—Asaf a teleye̱ ne̱ni pamo a Bonaisrael na jowe̱ la losango ba lingise̱no̱ Yehova; na nik’e bola ná Loba a to̱be tumba lao
-
Mo̱ Yesu a sue̱le̱ belēdi ba bebasi be mate̱nge̱ne̱ belēdi b’Eyal’a Loba e?
-
Myango ma Bibe̱l mi mongwane̱:
-
Mt 16:6, 12—Yesu a kobisane̱ belēdi ba Farisai na Sadukai n’esasange, ebanja belēdi be kwedi be mapomane̱ camane̱ na ńamse̱ pe̱ mbale̱ Eyal’a Loba e malee̱no̱
-
Mt 23:5-7, 23-33—Yesu a sai bedangwedi ba mawo̱ndo̱n na belēdi be kwedi ba babiedi ba kalat’a Loba na Farisai
-
Mr 7:5-9—Yesu a lee̱ ná babiedi ba kalat’a Loba na Farisai ba mawe̱le̱ myeka ma bato oboso ba belēdi b’Eyal’a Loba
-
Mo̱ Yesu ome̱le̱ bokwedi bao o be̱ne̱ ńai na ńai a mańaṅ m’ebasi e?
-
Myango ma Bibe̱l mi mongwane̱:
-
Yoh 15:4, 5—Yesu a bolane̱ edinge̱ding’a bwele na mikanjo o lee̱ jatingane̱ lena langame̱n be̱ oteten a bokwedi bao na mo̱
-
Yoh 17:1, 6, 11, 20-23—O bulu bosukan a tombise̱no̱ na bamuloloma bao oboso ná a mawo̱, Yesu a kane̱ ná jatingane̱ di be̱ oteten a bokwedi bao ba mbale̱ be̱se̱
-
Mo̱ myemba ma kriste̱n me̱se̱ m’ebwe’a mbu yaboso mi ta nde mi be̱ne̱ mulemlem ma dube̱ na jowe̱ e?
-
Myango ma Bibe̱l mi mongwane̱:
-
Bbl 11:20-23, 25, 26—Myemba ma Antiokia na Yerusalem mi boli ebolo bwam mwemba, mi ta pe̱ mi be̱ne̱ jalatane̱ la bwam
-
Ro 15:25, 26; 2Ko 8:1-7—Myemba m’ebwe’a mbu yaboso mi lee̱le̱ ndolo tongwea na jongwane̱ mō̱ na mune̱ o pond’a ndutu, nik’e lee̱le̱ ná jatingane̱ di ta oteten a myemba
-
Mo̱ Yehova a do̱lisane̱ bebasi be̱se̱ be makwale̱ ná be dube̱ Kristo e?
Bato ba makwe̱me̱ te̱ belēdi ba Kristo na ba bamuloloma, mo̱ jowe̱ labu le mbale̱ e?
-
Myango ma Bibe̱l mi mongwane̱:
-
Mt 13:24-30, 36-43—Yesu a bolane̱ edinge̱ding’a bekoko o mōnda, o kwala ná ka nje te̱ be malańano̱ nika pe̱ nde kriste̱n a lobango i me̱nde̱no̱ lańa
-
1Yo 2:18, 19—Ńamuloloma Yohane nu ta nu mákokwe̱ mimbu a kwali walea la su la ebwe’a mbu yaboso ná bate̱nge̱ne̱ kristo ba mábusa
-
Nje e me̱nde̱ bolane̱ yete̱na belēdi be kwedi na bedangwedi be titi ba kriste̱n ba kasabe̱ o mwemba e?
Nje kriste̱n yangame̱nno̱ bola ná jalatane̱ di benge be̱ oteten abu e?
Ońola nje kriste̱n yangame̱nno̱ samba jowe̱ di kwedi e?
Ońola nje e te̱nge̱nno̱, yeno̱ pe̱ muse̱ṅ o sambwe̱le̱ belēdi be kwedi ba bebasi e?
Ońola nje di s’angame̱nno̱ be̱ mańaka ke̱ bate̱nge̱ne̱ jowe̱ la mbale̱ ba matakise̱ na bolane̱ pe̱ biso̱ njo e?
