DONGO 2
Bińo̱ be̱ ko̱nji mō̱ na nune̱
Di Loba a latino̱ moto a s’aba so̱ mo̱.”
Yehova mo̱ ná: “Ńo̱ nde madiba ma tongo ango̱.” (Minia 5:15) Nika ńe mweńa tobotobo o diba lo̱ngo̱ ońolana lakisane̱ di titi ná di be̱ yete̱na mulatako mańu mu titi ko̱nji. Lakisane̱ nde di mabole̱ ná ndolo e pumeye ka nje te̱ mbonji e be̱nno̱ ńo̱ng’a madiba ná e pumeye.
O nin we̱nge̱ mitakisan ma longe̱ mi mabola ná bato jita ba s’e̱ne̱ pe̱ mweńa ma mulatako mwe ko̱nji o ndabo a diba. Ná o tongwe̱le̱, bola me̱se̱ ná o we̱le̱ man mambo maba o ebolo.
1 BOLA DIBA LO̱NGO̱ EPOL’A BOSO
NJE BIBE̱L E MAKWALANO̱: “No̱ngo̱ so̱ jangame̱ye̱ ne̱ni lo madangwano̱, seto̱ ka belemā, nde ka badidie̱.” (Efeso 5:15, 16) Ye dibie̱ ná we̱ne̱ diba lo̱ngo̱ ka lambo le mweńa buka me̱se̱ o longe̱ lo̱ngo̱. Langame̱ne̱ be̱ne̱ epol’a boso.
Yehova a mapula ná o soke̱ nde mom’ango̱ to̱so̱ munj’ango̱ miso̱ ońolo bukate̱, na ná o “be̱ mutam” mwemba na mo̱. (Mulangwedi 9:9) A si mapula ná o bangisane̱ mom’ango̱ to̱so̱ munj’ango̱ tom, nde o diwengisan bińo̱ babane̱ langame̱ne̱ o wasa bia ne̱ni leno̱ ná lo bwesane̱le̱ mō̱ na nune̱ muńe̱nge̱. (1 Korinto 10:24) Bola me̱se̱ ná mō̱ ńańu te̱ a so̱ṅtane̱ ná nune̱ a be̱n ńo̱ng’ao na ná a to̱ndi pe̱ nje ye̱se̱ a mabolano̱.
NJE WENO̱ NÁ O BOLA:
-
Bola me̱se̱ na me̱se̱ ná lo te̱se̱ ponda ońola bińo̱ babane̱; lo bole pe̱ nika ngedi te̱. O ni ponda, ombwea nde mom’ango̱ to̱so̱ munj’ango̱ bukate̱
-
O ponda mulamba o ta nde “mba” na “mba” tatan o mábano̱ dutea nde ná “biso̱”
2 TATA MULEMA MO̱NGO̱
NJE BIBE̱L E MAKWALANO̱: “To̱ nja nu mombwe̱ muto na bepuledi ba bobe, ke̱ a máwite̱ nde musonje o mulema mao.” (Mateo 5:
Yehova mo̱ ná, wangame̱ne̱ “tata mulema mo̱ngo̱.” (Minia 4:23; Yeremia 17:9) Ná o bole nika, wangame̱ne̱ tata miso̱ mo̱ngo̱. (Mateo 5:
NJE WENO̱ NÁ O BOLA:
-
Bola ná bane̱ be̱ne̱ ná o tingame̱ nde na bo̱ibo̱i na munj’ango̱ to̱so̱ na mom’ango̱
-
Ombwea besengedi ba mulema ba mom’ango̱ to̱so̱ ba munj’ango̱, mulatako mo̱ngo̱ na moto nupe̱pe̱ mu mabwese̱ te̱ mo̱ ndutu, pomane̱ bo̱le̱ mo̱
