JOKWA 16
Lee̱ ná o to̱ndi Loba
O jane̱ diko̱m, wangame̱n kwala na mo̱. O masengane̱ mo̱, mo̱ pe̱ a masengane̱ wa. O malangwea pe̱ bape̱pe̱ mambo ma bwam jombwea diko̱m lo̱ngo̱. Ye nde mulemlem na be̱ la diko̱m la Loba. Ombwa te̱ nje Bibe̱l e makwalano̱ jombwea nika :
Kwalisane̱ Yehova ponda te̱ o muka. “Be̱ titimbe̱ o muka.”—Roma 12:12.
Langa Eyal’a Loba, Bibe̱l. “Betiledi be̱se̱ bena be wu na Mudī ma Loba be muse̱ṅ ońola belēdi, ońola bola la misan, ońola jome̱le̱.”—2 Timoteo 3:16.
Okwe̱le̱ bape̱pe̱ o bia Loba. “Bińo̱ ala so̱, timbise̱ bokwedi o matumba me̱se̱ lo . . . lee̱ babo̱ o bupe̱ mambo me̱se̱ nanedino̱ bińo̱.”—Mateo 28:19, 20.
Ukea o mako̱to̱ne̱ o Ndambo a Janea. “Jombwane̱ mō̱ na nune̱ ná jumwe̱le̱ ndolo na bebolo ba bwam, . . . jembane̱le̱ mō̱ na nune̱.”—Bonahebe̱r 10:24, 25.
Sue̱le̱ ebol’a Janea. “Nde moto te̱ a [bole] nde kana a do̱mse̱no̱ o mulema mao, e si be̱ jombwe̱ to̱ na mińakisan ; ebanja Loba a to̱ndi nu nu mabole̱ na muńe̱nge̱.”—2 Korinto 9:7.