Satan a malo̱ndo̱ bato o bola mambo ma bobe. Moto nu mapule̱ be̱ diko̱m la Loba angame̱n singe̱ nje Yehova a singe̱no̱ (Myenge 97:10). Mambo mō̱ man mako̱m ma Loba ma masambano̱:

Mbamba. “O sangame̱n wite̱ musonje.”(Bebusedi 20:14) Be̱ne̱ mulatako ma mome na muto oboso ba diba pe̱ le bobe.​—1 Korinto 6:18.

So̱ki. “Baso̱kedi . . . ba si me̱nde̱ sangwa janea la Loba.”​—1 Korinto 6:10.

Ebwán, Kwese̱ la deme̱. “O sangame̱n bwa.”​— Bebusedi 20:13.

Jiba. “O sangame̱n jiba.”​—Bebusedi 20:15.

Lobango. Yehova a singe̱ “eyem’a lobango.”​— Minia 6:17.

 Njo na Ngotok’a malinga. “ [Yehova] a singe̱ nu nu to̱ndi njo.” (Myenge 11:5) “Bebolo b’eyobo [be be̱n na] . . . malinga.”​—Galatia 5:19, 20.

Jámbo. “Lese̱le̱ mundenge na to njka moto . . . ńe ńa . . . mukubo.”​—1 Korinto 5:11.

Ndando ńa eyabe̱ na bede̱mo. “Benga to̱ndo̱ basingedi bańu, na kane̱ pe̱ ońola ba ba matakise̱ bińo̱.”​—Mateo 5:43,44.

Mambo Loba a mabīse̱no̱ biso̱ me nde ońola bwam basu. E titi bu o samba bola mambo ma bobe. Na jongwane̱ la Yehova na jongwane̱ la Mboṅ ao, we ná o samba bola mambo ma si mabwese̱ Loba muńe̱nge̱. ​—Yesaya 48:17 ; Filipi 4:13 ; Bonahebe̱r 10:24, 25.