DONGO 1
Byingedi b’ekwali be matombwane̱
Bebolo 17:22
O PATAPE̱M: Byingedi b’ekwal’ango̱ be bole ná ba lambe̱ye̱ wa toi, be bīse̱ nje o mapulano̱ to̱pea, be lee̱ pe̱ ońola nje basengedi bo̱ngo̱ bangame̱nno̱ no̱ngo̱ mo̱ mweńa.
NE̱NI BOLA NIKA:
-
Bola ná ba lambe̱ye̱ wa toi. Po̱so̱ myuedi, eyala, myango ma moto, to̱ lambo di bolan basengedi bo̱ngo̱ beno̱ ná ba to̱ndo̱ senga.
-
Bīse̱ nje o malano̱ to̱pea. Bola ná byingedi b’ekwal’ango̱ be lee̱ basengedi bo̱ngo̱ ná bwē nje o malano̱ to̱pea na janda l’ekwali.
-
Lee̱ ońola nje y’ekwali yeno̱ mweńa. Bola ná nje o makwalano̱ e be̱ bupane̱ nje e mapule̱ basengedi bo̱ngo̱. Bangame̱n so̱ṅtane̱ ná te̱ite̱i ne̱ni ekwal’ango̱ yeno̱ ná yongwane̱ babo̱ o longe̱.
