DONGO 10
Bolane̱ la doi
Minia 8:4, 7
O PATAPE̱M: Teleye̱ mo̱nge̱le̱ ná bwē, o bolane̱ pe̱ jonde̱le̱ to̱ sibise̱ la doi, doi di dili to̱ di nangedi, to̱po̱ ná pe̱le̱pe̱le̱ to̱ ná yō̱, o tapa milema ma bato.
NE̱NI BOLA NIKA:
-
Jonde̱le̱ to̱ sibise̱ la doi. Onde̱le̱ doi ke̱ o mabonde̱ mo̱nge̱le̱ ma mweńa na tute̱le̱ basengedi bo̱ngo̱ o bola lambo. Bola mulemlem ke̱ o malanga mbako a bekaisedi o Bibe̱l. Sibise̱ doi ke̱ o made̱ ńo̱ngi ońola lambo di maye̱ to̱ ke̱ o malee̱le̱ bo̱ngo̱ to̱ mutaka.
-
Bolane̱ la doi di dili to̱ di nangedi. Nik’e mabolane̱ te̱ ombo’ańu, to̱po̱ na doi di nangedi ke̱ o makwala na bokenju to̱ ke̱ o makwalea ońola bonde̱ne̱ to̱ bwaba. Dilise̱ doi ke̱ o malee̱le̱ ndutu to̱ mutaka.
-
To̱po̱ ná pe̱le̱pe̱le̱ to̱ ná yō̱. To̱po̱ ná pe̱le̱pe̱le̱ ke̱ o mapula lee̱le̱ muńe̱nge̱ munde̱ne̱. To̱po̱ ná yō̱ ke̱ o makwala mo̱nge̱le̱ ma mweńa.
