DONGO 18
Bola ná basengedi ba tombwane̱ lambo o ekwali
1 Korinto 9:19-23
O PATAPE̱M: Tute̱le̱ basengedi bo̱ngo̱ o dutea ońol’ekwal’ango̱, ná be̱ne̱ ná boko lambo la mweńa ba tano̱ bangame̱n senga.
NE̱NI BOLA NIKA:
-
Dutea nje basengedi bo̱ngo̱ ba mábiano̱. O mulopo ma timbise̱le̱ belēdi basengedi bo̱ngo̱ ba másengano̱, ongwane̱ babo̱ o je̱ne̱ ekwal’ango̱ ka lambo la peńa.
-
Po̱ngo̱ muwaso o duteye pe̱ ońol’ekwal’ango̱. E we̱li te̱ be̱, bata mambo ma bolan mena basengedi ba si bino̱ jita to̱ ma ma bolan be̱be̱ na pond’ekwal’ango̱, o teleye̱ mom ma mo̱nge̱le̱. Dutea ná po̱m ońola mato̱ti m’ekwal’ango̱, o wase pe̱ mulatako oteten a ekwal’ango̱ na myango o mapulano̱ langwa.
-
Lee̱ muse̱ṅ ma belēdi bo̱ngo̱. Teleye̱ ne̱ni malea ma Bibe̱l meno̱ ná mongwane̱ basengedi bo̱ngo̱ o longe̱ labu la buńa te̱. Kwalea ońola bete̱medi, mo̱nge̱le̱ na beboledi ba mombweye̱ basengedi bo̱ngo̱ tobotobo.